0131的晚餐 ~ 墨丸白菜秀珍菇水餃鍋 + 菜飯

今晚既餸都係大同小異啦,加工品居多:

XO醬香煎芋頭豬肉餅:煎得幾香脆

XO醬煎韭菜餃:味道可以~~

墨丸白菜秀珍菇水餃鍋:因為要留飯盒,所以一定要準備多d食物整呢d暖笠笠既煲仔...4款都唔係好多o者...哈哈

為左希望餐飯有少少新意,所以就用左少少白菜整左個菜飯~~唔錯呀

0130的晚餐

雖然玩Wii心切,不過都唔可以餐餐出去食快餐,所以今晚都係煮飯勒~~

不過都係搵d容易整既好...最後整左

香煎芝士腸:老公話呢隻芝士腸既芝士好rich,好好味喎(其實我只不過見佢特價$6先買架咋)

田園香草雞翼:無心機自己醃,所以買現成既黎煎...方便快捷

金菇肥牛火腿丸粉絲煲:因為想留2個飯盒,所以買多左份量...食物滿滿的都睇唔到下面既粉絲呢~~唔知係咪老公係出面玩Wii搞到我分心,今日個湯底整得太多水啦,所以味道比較淡...我都覺得淡,相信老公都覺得無味~~不過一樣食晒

希望隨住時間既過去,我煮飯唔會因為Wii而受影響...不過可能呢排都係會失準多架啦

Mii

大家睇下呢2個公仔,就係我地兩公婆係Wii入面既自我圖像啦(即係Mii)...真係愈睇愈似架,特別係勝出左公仔既動作同真人既表情一樣咁得戚呀....睇見就想打個真身呀

暫時Wii既NG Family入面只係得我地2個,遲d開多d Wii party叫屋企人或者朋友自己整自己既公仔加入Mii入面,咁廣場就會愈黎愈多人啦~~

如各位都係Wii既機主,可以交換code,咁我地就可以分別係自己屋企對打架啦~~

今晚打左2個半鐘...哈哈...應該消耗晒今晚個芝士火鍋既卡路里啦卦

大家樂芝士火鍋

因為Wii既關係令我今日唔想煮飯,想快快食完晚飯番去打機

今日天氣得12度咋...都係火鍋好,不過又好似食得太多...醒係大家樂好抵食既芝士火鍋又有張$4現金卷就同老公走去幫襯勒

老公依舊食鐵板餐,不過今次叫左豬肋骨....食完急急腳就番屋企啦~~

今日我要create我係Wii個樣(即係Mii),以後佢就代表我架啦

有時間我就post個Mii樣俾大家睇下啦~~

Wii + First step + Wii Sports + Rabbids party

老公今朝同我講話Newsgroup d人又傳Wii既行貨要3月先出...下,咁即係仲要無止境咁繼續等啦

食完shabu shabu,我問老公去邊到,老公話去買Wii喎....呵呵,老公終於都等唔切啦,所以我地就行去深水埗既黃金買,每間既package都有少少出入,問左一個圈最後係黃金入門口個間Game Shop買勒~

Wii機+2 set手掣(2直身+2彎身)+火牛+First Step game ~~ $2680 (一定會對打架麻,所以2 set手掣好d)

Wii專用色叉線 ~~ $150 (老公話輸出既畫面會靚d喎,佢既生日禮物,就包埋佢啦)

直插火牛 ~~ $70 (本來package已經包左,不過係接駁既..如果直插就唔使駁黎駁去,而且又安全d,所以轉埋佢啦...其他舖頭唔包火牛,就咁配個都要$120,呢間就算轉直插都仲要比人平喎)

Game就去旺角信和買左Wii sport ($270)同埋Rabbids party($370)

老公仲去左7-11買本Wii攻略既書添($38)

因為水貨關係,仲要買個兩腳轉三腳既電插,因為屋企本來有一個用緊既,點知燒左,所以買左2個,盛惠$12~

好勒,終於齊晒勒...計計埋埋,呢份生日禮物值$3578架...當埋情人節禮物添lu

番到屋企好快就set好啦,我同老公當然即時試玩下啦...

第一個game係打boxing:我地玩到企起身,2 set手掣o岩o岩用晒,2隻手遮住自己塊面黎擋拳...有空位就出左勾拳或者右勾拳...哈哈,真係好似打緊boxing咁,要出力咁打先得架...最後係K.O.左老公呀...打完一round竟然覺得累呀,原來都真係有運動量架喎...好好好好好好玩呀~~~~~

估唔到上網搵到個《打Wii Sports消卡路里指數》

運動      卡路里（60分鐘）　    評語

打網球            300                       又要揮拍，又要捉Timing，好有挑戰性！

保齡球             130                       大大力揮球，玩完隻手都幾痛。

高爾夫球         125                       要控制力度，一味大力冇前途。

打拳                 400                       左拳右拳亂打，好High！

棒球                 280                       全力揮棒、投球，體力消耗自然大。

等我落力d打Wii sports先得

呢個吳居家品相信會係我同老公既新寵兒~~我好歡迎大家帶埋手掣上黎對打架

 

 

0128的晚餐 ~ 芝士焗鴨胸雞塊配伊麪底

我同老公去完深水埗買Wii就直接番屋企啦,預左今晚唔會再出街食飯架啦...所以我就諗下屋企整咩做晚餐好,最後就用星期五係吉之島買既鴨胸、吉列雞塊同埋伊麪整左呢個

芝士焗鴨胸雞塊配伊麪底

嘩,好好味呀...吸取左上次焗意粉唔夠汁既經驗,今次我整多左白汁,所以真係好味好多呀~~

老公都話好正...我都好滿意

清湯牛肉shabu shabu

呢間係上次結婚週年紀念日老公第一次帶我去食既《清湯牛肉》,呢幾日天氣又凍番,老公話想去呢到食shabu shabu,我當然贊成啦...咁好味喎

佢既午市平好多呢,只係$48一set,份量剛好,而且多菜少肉,幾健康架,又有個少型既自助沙律吧,都唔錯架...老公今次轉左試木魚清湯底,咁當然無上次佢既麪豉湯底咁濃郁,不過佢都覺得好滿意...而我就轉左試鴕鳥肉,不過用鴕鳥肉肉質比較粗,不過試下都唔錯,下次去我就會試豬頸肉

老公仲要再叫多個三文魚刺身...埋單$114咋...如果係晚市,佢最平都要$178起,只係肉既份量比午市多架咋...走時,老公發現溫拿係牆身簽左名喎...唔知仲有邊d明星有黎食呢

Sample ~ Fancl潔面粉+Laneige淨白剔透精華+Origins菇菌眼部精華

今日係屋企整理優惠卷(因為實在太混亂啦),有d可以拎護膚品既sample,所以出街就順便去拎~~

新世紀有齊晒Fancl,Laneige同埋Origins...一次過拎齊晒,yeah

估唔到Fancl潔面粉仲連埋個起泡海綿,好似好抵咁

其實以前都用過Laneige既淨白剔透精華,不過效用唔大,所以都無再用lu...佢既產品只係鐘意water sleeping pack,不過都好耐無用啦

Origins菇菌眼部精華係新產品,佢呢條line好貴下,所以有得拎5ml已經好多架啦

 

美食廣場@旺角新世紀

兩口子係屋企整呢樣整個樣搞到成7點半先出街食晚飯...但係我同老公都無idea去邊到食野~~

行下行下又行到去旺角,老公話不如去新世紀既美食廣場食...都好呀,反正我地都無坐低食過~~

轉左個圈都唔知想食咩,就叫老公發板....結果老公買左個三色飯俾我,有香茅豬扒,雞翼同埋扎肉蝦片配紅米飯,都ok呀,而個扎肉蝦片都幾得意...另外,老公話張KFC coupon1月尾到期,所以佢另外去左買KFC食勒~~

食完仲話要買泰昌既沙翁食...點知凍冰冰既,一d都唔好食...老公話佢以前係擺花街買既沙翁熱辣辣,好好食架喎....宜家呢個簡直係貨不對辦啦,仲要$4一件添呀

之後行左陣街,番屋企途中,老公又去左買朱古力味既雞蛋仔食~~雖然我都仲飽緊,不過又照食可也...睇黎都係忍唔到口架啦

0127的午餐

今日我同老公都放假,就瞓到成10點幾先起身,又懶洋洋留係屋企...沖壺人蔘烏龍嘆下茶~~

老公就要開機洗衫,乾衫同熨衫...而我又忙於整理帳目,上網set日子找卡數.....仲要睇下新拎番黎2月份既cosmo雜誌...絕對唔係浪費光陰架

由於雪櫃有d方便食物就到期,所以就煮左佢做午飯:

荔竽雞肉餅:煎香伴以XO醬同食, 味道都ok呀~~

菜肉水餃:伴浙醋同食...最鐘意點醋食水餃,食多多都得

另外老公點名要食營多撈麪(琴晚係吉之島買既),所以就整碟咖哩魚蛋撈麪...好飽呀,不過就清晒雪櫃要食既野勒

大家樂

星期四晚突然好想番娘家一趟,於是同老公講聽晚不如去鰂魚涌娘家個邊行街街,順便上去屋企坐下呀?

老公當然唔可以拒絕啦,上99屋企比番我娘家多幾倍喎...我出到聲表示我思家病發啦

原來娘家屋苑大翻新喎,連電梯都換過新既...番到屋企,阿媽話細妹今晚去睇演唱會,阿爸又約左朋友去食飯...如果唔係我番去,阿媽可能唔食晚飯就算啦,佢話宜家好多時都係得佢一個,佢又唔鐘意過九龍陪阿爸...咁我都無辦法架喎...細妹工作又忙,成日都好夜先番屋企...我又懶得時時番,因為覺得太遠啦,今日放工番娘家用左成粒鐘,真係入屯門都得啦

於是阿媽話同我去大家樂食一哥火鍋船,老公佢就叫鐵板餐鋸扒~~唔覺唔覺都食左成粒鐘喎,好飽下,材料都算新鮮呀~~

食完阿媽就番屋企啦,而我地兩口子就去吉之島行超市...又入左$100貨啦