大家樂

星期四晚突然好想番娘家一趟,於是同老公講聽晚不如去鰂魚涌娘家個邊行街街,順便上去屋企坐下呀?

老公當然唔可以拒絕啦,上99屋企比番我娘家多幾倍喎...我出到聲表示我思家病發啦

原來娘家屋苑大翻新喎,連電梯都換過新既...番到屋企,阿媽話細妹今晚去睇演唱會,阿爸又約左朋友去食飯...如果唔係我番去,阿媽可能唔食晚飯就算啦,佢話宜家好多時都係得佢一個,佢又唔鐘意過九龍陪阿爸...咁我都無辦法架喎...細妹工作又忙,成日都好夜先番屋企...我又懶得時時番,因為覺得太遠啦,今日放工番娘家用左成粒鐘,真係入屯門都得啦

於是阿媽話同我去大家樂食一哥火鍋船,老公佢就叫鐵板餐鋸扒~~唔覺唔覺都食左成粒鐘喎,好飽下,材料都算新鮮呀~~

食完阿媽就番屋企啦,而我地兩口子就去吉之島行超市...又入左$100貨啦