其實今日先係媽媽既生日正日,因為我罕有地話請大家去唱K lunch,所以全家人都話唔可以錯過...由於今日細妹一早要去行公益金百萬行,所以就改左星期六去唱K lunch勒
一行8人(連埋2個妹既男友)由11點唱到3點...埋單不過$231...抵請啦
之後阿爸要番公司睇下,收工會合我地...細細妹個pair就話去行街街...於是阿媽同細妹個pair就直接上我屋企玩啦...我就當然再去買餸跟住就係廚房搞.....搞到食飯為至啦
,煮7餸1湯真係好辛苦架
椰汁焗雞 ~ 招牌菜果然係招牌菜,全體激讚
麻婆豆腐 ~ 嘴饞細細妹都讚好味,仲問我點煮添
...佢話番去要煮俾男友食喎
家鄉煎薯餅 ~ 因為懶,我唔分一個個咁煎,就係咁影響左口感同味道...大家只係食左半個咋,要檢討檢討
金菇扒豆苗 ~ 今日多人買左1斤,由於份量實在太多啦,所以整得有點吃力...好彩都清晒...不過份量少d既話煮起會好味d
鎮江焗糖醋骨 ~ 之前整既係一字排,今次用排骨整....之前一日已經整定架啦...老公對呢味讚不絕口,我都覺得個汁較得好好味
三色水蛋 ~ 呢個唔係普通水蛋,係加埋皮蛋同咸蛋既三色水蛋...細細妹男友問我呢個水蛋係咪買番黎既,細細妹話水蛋又點買番黎呀,梗係自己整架啦...細細妹男友話呢個水蛋真係好好味...仲記得上次佢話我整既水蛋好實,今次就完全唔同晒...仲係我首次試整添架,好開心
吉列龍脷柳 ~ 今次炸得幾金黃,味道正正常常
另外仲有個沙蔘玉竹煲紅蘿蔔老火湯,一人一碗o岩o岩好呀~~不過成餐飯最大既敗筆就係"飯"啦,可能我未煲過8 人份量,所以落水既份量唔o岩...結果d飯好硬,個個都食唔落呀
...好在夠多餸,大家都食得好飽~~
本來仲諗住整個蝦架,不過後來決定唔整...因為我驚唔夠時間,而且又未煮過,都係唔博啦....其實煮咁多餸最難既地方就係開飯既時候要味味都熱辣辣
....得2個爐頭點可以同時整到7味餸都新鮮出爐呢...所以考廚藝之餘亦好考頭腦架
食完老公自薦幫我洗碗,我終於有時間同屋企人玩下遊戲....最搞笑係玩twister....玩完一輪就係切蛋糕時間啦...happy birtheday to mummy
唔係阿媽生日就真係好少機會煮咁多,今次又通過一次考驗啦
好厲害呀！相信Yan的媽媽一定很開心 我覺得椰汁焗雞的賣相好掂！
回覆刪除不過最重要既"白飯"竟然出了亂子 ,實在太不幸啦 我阿媽同我講叫我下次唔好煮,落樓下食咪好lor....唉,佢都唔欣賞我既一番心意 椰汁焗雞係吳家招牌菜麻...賣相當然唔錯啦
回覆刪除我諗auntie只是不想妳在廚房中忙碌 妳的一番心意，相信她一定欣賞
回覆刪除係呀，最難搞真係要整咁多樣野但係樣樣都要夠熱，你個蒸水蛋好靚，一啲泡都冇，我次次都整都好似生野咁，好多"o隆"喺面，但係入面又真係啱啱好喎，點搞呀?
回覆刪除Thy:今次呢個三色水蛋我一早就打勻蛋液加家咸蛋,皮蛋同凍水就放埋左一邊無理佢....等開飯前先拎去蒸,個時d蛋液已經靜止晒而且無泡係面架啦...再用大火蒸佢2分鐘,跟住轉細火蒸佢4分鐘....不過我打開拎起覺得入面d蛋好似未得,所以再開大火蒸多分幾鐘就搞點啦....唔知係擺埋一邊淨係大細火既關係呢 ....總之唔好放入電飯煲蒸就應該會靚d架啦~~
回覆刪除咁我知喇，因為我次次都係貪方便用電飯煲蒸
回覆刪除