一早老公話去佢既至愛《澳洲牛奶公司》食早餐,食完就同我去旺角拎番前幾日俾櫃員機食左既信用卡...之後我地就漫無目的咁行,最後去左黃金...本來好大機會買部Wii架啦,不過日版機係播唔到美版遊戲碟既,所以最後都係無買到
之後去左食麥記新出既咖哩豬扒飽,今次麥記呢個出品算唔錯喎...老公話塊豬扒夠厚,有口感喎~~
夜晚本來想去食北京酒樓,點知滿座,仲要等都無位咁話喎...結果去左《橫綱》食拉麪,雖然係屋企附近,不過次次都見佢門口排長龍,食都無食過...今晚入去食,味道果然唔錯...湯底做得幾好,麪質亦算彈牙...雖然係迫d,不過價錢亦唔貴...抵食
《橫綱》食拉麪 係邊度附近呢 ? 可以介紹嗎 ?
回覆刪除碧姬:你有興趣呀...佢係油麻地彌敦道466-472號地下(卜維廉賓館斜對面呀) 我叫左咖哩牛肉拉麪,老公要左九州拉麪,另外仲叫左煎餃子...樣樣都好正呀 ..埋單只係$106...不過你一定要預d時間黎排隊喎～～
回覆刪除多謝你介紹呀..等我又可以多個地方食好野...thanks 今次已經係你第二次既介紹喇...第一次我食左 triple o...呢
回覆刪除我都好耐冇去過喇~~下次試下先~~
回覆刪除都試過澳洲牛奶公司既炖蛋﹐ 一次甘多﹐好好味﹐好想念
回覆刪除CK family:除左燉蛋之外,佢既炒蛋同煎強都係一絕~~ 碧姬:希望我無介紹錯啦...你上次食triple o覺得點呀? bear:係呀,唔錯呀...去回味下啦
回覆刪除WII呢部機HIT左好一段時間真係好好玩~~
回覆刪除我今日食左橫綱喇..真係好好味..多謝介紹呀 ~ triple o 都好唔錯呀...個包好得...薯條一定好過麥記...有機會真係要快d再食過 ~
回覆刪除碧姬:咁快就去左食啦 張大少奶:你玩左wii好耐啦...我仲等緊行貨呀
回覆刪除好食既梗係要快 d 去啦...哈哈~
回覆刪除(Empty)
回覆刪除