0110 ~ 小學同學聚會

昨晚是難得的小學同學聚會,好友離港在即,身為老死的我當然盡約其他同學仔同佢一齊食餐飯啦

 

雖然我太忙無打晒所有電話,不過最重要既一定要約到就黎生第二胎既同學仔…自從佢生左小B之後就好難約佢出黎聚會啦

…為左唔使大肚同學咁頻撲,我地9成係港島區既同學仔都願意入去沙田食飯…最後去左《印尼餐廳1968》食晚飯

 

一行9人叫左個8人餐,味道都幾好,不過問左話唔辣既野,結果出到黎都係辣辣地…好在大肚同學唔使戒口咋

 

大家當然問大肚同學好多問題,佢應該係小學同學入面唯一生左小B既…宜家仲要生第二胎,實在係太厲害啦….點知轉過頭又問我幾時生,唉,我點知呀

…唔好問我啦,有既話一定通知大家既

 

傾下講下食下,差唔多11點先走….其實我地好驚大肚同學笑得太勁而早左生呀,好在無事咋

 

放工用左1粒鐘入沙田,估唔到由沙田番到屋企只係用左半粒鐘咋(搭火車去尖東站轉免費接駁巴就到屋企樓下),原來好快下咋喎