今日既焗意粉好fusion下呢,因為係超市見d火鍋料特價喎,見咁抵就忍唔住買左包心牛丸,醬爆貢丸同埋魚皮餃,每款都係$5咋
不過今日又唔想打邊爐喎,反而想整焗意粉(因為之前新買左焗盆想試下用呀
),所以就黎過crossover啦~~
原來屋企既意粉得番半包,而菠菜麪餅又剩番2個,所以就混埋一齊煮...原來兩款意粉撈埋一齊食口感豐富好多架...呢個食法新鮮得黎又特別
因為老公唔食魚皮餃,所以呢碟只係擺左丸丸,因為太多既關係,仲可以另外整碟白汁燴雙丸添呀~~
而我個碟就落左魚皮餃...我仲準備左香草雞翼,老公話好好味...不過我覺得白汁唔夠多,所以意粉有d乾,如果多d汁應該會更加好味...估唔到用d丸丸同魚皮餃配西式既白汁都咁好味喎
你係好有心思呀... 今日我終於煮飯 (三個月無煮了) , 番茄炒旦都煮得唔好甜... 煎雞亦又唔夠熟要再丁... 嗚.... 嗚.... 你救下我啦~~~
回覆刪除幾有特色喎!用丸來配意粉!!!
回覆刪除張大少奶:我諗住pizzahut都有意式肉丸啦...所以咪試下lor...其實都係自己懶o者...哈哈 七七:無有怕啦...煮多幾次就熟手架啦...番茄炒蛋我只係整過一次,都係麻麻地...教唔到你...至於煎雞翼,我唔落油煎既,等d雞皮自己受熱出油煎....想熟d可以落小小水蓋住焗幾分鐘...再唔得既話,我都係同你一樣拎去叮下佢架咋...所以我都係半桶水~~
回覆刪除我覺得焗魚皮餃好有新鮮感喎，味道如何呢？
回覆刪除哇！好想食呢！！
回覆刪除好似好好味咁喎, 難唔難整架??
回覆刪除Lover:其實唔難整架 ,整熟左d意粉過冷河後略炒,盛起備用....雞翼我就煎起左備用...丸丸同魚皮餃就淥熟後盛起備用....跟住自制白汁(油1湯匙+麪粉1湯匙爆起,再落半碗水/雞湯,想多d汁既可以落多d...之後再落3湯匙淡忌廉,放少少鹽同糖就搞掂個白汁)....將意粉,丸丸同魚皮餃放入白汁撈勻,放入焗盆,擺埋雞翼之後就撒上芝士碎 焗至金黃即可～～ vyvy: 你個冬陰公湯，我都好想食～～ JK:我覺得幾好味呀,你都試下呀
回覆刪除個感覺好好味個呀!! 點解你D 相可以整到咁好的 ? 我整極都唔得, 張張都係看到dd, 得第一張面係看晒全部.
回覆刪除今次既菜式的確係好fusion 呀...勁有創意
回覆刪除都無諗過丸同意粉可以o甘樣一齊整，好有創意呀！
回覆刪除litty bunny,碧姬:多謝讚賞~ fiona:因為d相既數目唔夠多呀,所以得一張show到全貌lor...你可以試下其他拚貼方式睇下效果呀~~
回覆刪除