今日老公話要去探爺爺,所以滾水淥腳咁將之前打邊爐留下的丸丸,芝士腸再加新買既水餃,牛柏葉,粉絲同金菇整左個咖哩大雜會...咩都搞埋一齊就食得...哈哈,無野懶得過呢味餸啦
...但係食得我地好鬼飽喎~~
點知去到醫院唔見爺爺喎,老公打俾99,原來爺爺剛剛出左院啦...白行一趟添~~既然出左街,我地就去左裕華買賀年擺設(裝飾好就會post上黎架啦)...又行左陣永安plus
番到屋企好想飲杯凍野...於是開左杯忌廉溝鮮奶既石板街雪糕新地...我用左呢隻M記叔叔杯,因為佢容量好多,我諗都有500ml...不過唔使2分鐘我就飲晒落肚lu
沒有留言:
張貼留言