天氣炎熱,搞到我唔想煮熱野,又唔想放工去買餸,諗一諗屋企仲有咩物資,最後決定整檸檬雞翼同埋薯仔長通粉沙律~~兩樣都係第一次整呢~~
檸檬雞翼:
其實好耐之前已經見過呢個食譜,個時都想整架啦,今日睇到little bunny整左喎,屋企咁o岩又有個檸檬就決定整啦...其實真係幾易整呢,不過我連檸檬尾都放埋一齊煮,結果多左d檸檬皮既苦味,影響左味道,如果無左d苦味,咁就perfect勒
薯仔長通粉沙律:
其實我整左好大兜架,仲有好多材料呢~~薯仔、粟米、火腿絲、碎蛋,仲有長通粉,因為我驚老公唔夠飽肚,所以落埋淨番既長通粉...今日用既蛋黃醬係琴日於citysuper買架,特價$20(原價$42)呢,加埋阿蘇秘方,就係洋蔥蓉同埋煉奶,所以真係好好味呢
,好正呀~~我對呢個沙律好滿意,雪凍左,o岩晒夏天食
啱啱先o係Little Bunny個blog度留言話要試整，點知妳已經整了！ 唔得，等老公公幹完回來，我就試下整先～～
回覆刪除睇見到好食呀!!
回覆刪除蛋黃醬原來係citysuper 有得賣 咁平 一定要試下 以前整沙律加奇妙醬會好酸 多謝介紹
回覆刪除好耐冇整過沙律喇，等我又試吓先
回覆刪除唉... 夏天真係煮呢d最好... 尋晚煮到我身水身汗....
回覆刪除吳太, 呢次真係勾起我想整野食既衝動呀!!! 聽日我要試整呀~~~ 但唔知吉之島有無類似既漿呢... 我唔近 citysuper... 嗚~~~
回覆刪除正呀正呀！我都有跟過亞蘇的做法呀！係得呀
回覆刪除好靚呀~一定好好食呀!!
回覆刪除post個食譜上黎啦? 想學下呀!
回覆刪除V&E: 沙律跟番d材料撈埋一齊就得架啦喎,我諗你係想要檸檬雞翼個食譜啦 材料---雞翼中段3磅 檸檬1個(切成10片) 羗10片
回覆刪除調味---老抽2湯匙 生抽2湯匙 蚝油2湯匙 片糖1塊半
做法---
1. 用1湯匙油爆香羗片,聞到羗的香味後將雞翼放入,爆勻
2. 時檸檬投入後即可將調味加進,兜勻後加蓋,用中火煮約10分鐘
3. 因豉油及片糖都惹火,故中途要翻動,不要讓牠黏底 ,待快收乾汁前,會出現很多泡泡,即可熄火,完成.
註:雪藏雞翼會出很多水,故千萬不要加水,而雞翼亦很快熟 ,待汁乾時雞翼亦已熟！
不過我無買到羗,亦無落油都無問題,係落多左檸檬皮搞到苦左少少~~
(引用自黃淑儀個blog http://hk.myblog.yahoo.com/jw!h5TzoVSBGALiNgvmgrMrjw3ZFvvzKg--/article?mid=1293 ) 小肥豬:係呀,個沙律真係好好食呢~~ vyvy:無錯,我都覺得阿蘇個秘方好得,仲好味過出面有d餐廳呀~ 七七:係咩,咁係快d整黎食下啦~~其實蛋黃醬一定有得買既,都唔一定要我呢隻牌子,我都係見佢特價買黎試下架咋...普通既卡夫都有出蛋黃醬架~ 小肥:咪係lor,琴日原來有成32度呀,全年最熱個日呀...所以都係整d涼菜好 thy:快d整啦...沙律真係好o岩夏天食呢~~ JaKa Footprint:卡夫都有蛋黃醬架喎...如果只係落奇妙醬唔再落其他野,味道應該會淨d,你試下阿蘇個秘方,應該會好味好多~~ 敏敏敏:你指沙律淨雞翼先~~ JK:個雞翼真係好易整架,等你老公番黎一於整俾佢食啦
原來咁易整架咋! 我蝦子餅係雞翼怪黎架, 所以我要學多d唔同既方法煮雞翼囉! 個沙律加左洋蔥蓉&煉奶....係咪都係同沙律醬一齊落一齊撈架? 同埋加幾多先夠呢?
回覆刪除V&E: 洋蔥蓉少少就得架啦,我就落左1湯匙左右,但真係要蓉喎,唔好太大粒呀~~ 煉奶就一邊撈一邊落,落多d都唔怕,不過我都係試左味,唔夠再落咁lor~~ 檸檬雞翼真係好易呢,希望你老公都鐘意食啦~~
回覆刪除明白晒喇! thx!
回覆刪除好想食呀個通粉, my favorite
回覆刪除bluebluegirl:咁你又一齊整黎食啦~~
回覆刪除個薯仔長通粉沙律好正喎！ 夏天唔想食飯，o甘樣o既配搭都幾好呀！
回覆刪除little bunny:係呀,真係好o岩夏天食...我諗住整多d擺係雪櫃看門口
回覆刪除整沙律要落煉奶架咩?
回覆刪除木木太: 係呀,落左 煉奶個沙律會滑d同好味d架...你下次試下呀~~
回覆刪除