今日中午天陰陰,老公放工後決定唔去太遠既地方食晏,最後決定去旺角~~
首先去旺角昌街食《新彊回族薄餅》,呢度亦係阿蘇上星期介紹既地方,老公話其實以前已經食過,不過搬左舖之後就無再食,原來搬左去昌街,我地叫左個牛肉薄餅$10,都好大個喎,兩分食都唔少,味道唔錯,辣辣地幾惹味~~
之後就去老公自少就已經捧場位於勝利道既《德國熱狗》,呢度經阿蘇介紹之後又多左好多人黎食...我地要左個熱狗餐$25,老公選左珍寶芝士腸,條腸超美味呀
,極度juicy呢
...熱狗餐仲跟罐裝飲品同薯條/薯餅...我選左荔枝玉露黎飲,好味喎,仲有果粒添...老公都話唔錯,不過我未見過超市有得賣呢~~另外要既2塊薯餅剛炸起,熱辣辣卜卜脆,正~~
一罐荔枝玉露唔夠喉,所以就去7-11再買飲品,我見到有款HelloKitty既飲品特價只係$2.5咋,我就要左朱古力味,老公要左草莓味,我個朱古力味唔錯,老公既草莓就甜左少少~~
本來都應該食完呢餐晏架啦,行行下見到間麪包舖Le Bon,見到麪包既款式幾特別,所以入去睇下,老公最後買左個車打芝士包$7.5,嘩,原來好好味喎,外脆內軟,不過我只係食左一啖,老公唔夠1分鐘就食晒成個包啦...佢話真係好好味喎...哈哈,今日係旺角都食左唔少美食呢~~
好正呀! 好想全部都燒滅晒佢呀!
回覆刪除食物味道都是其次, 重要是你地有個開心的星期六下午.
回覆刪除你倆公婆係咪食物焚化爐嚟架，點解可以食咁多野既?? 第時你有阿B，佢喺你肚入面肯定唔會餓親 ，仲有不如你地搞返個餵食兵團，帶人周圍搵野食，我第一個報名參加，哈哈!!
回覆刪除嘩! 好正呀)))) 我地都係好鍾意四圍去搵好野食架, 仲有咩好介紹呀???
回覆刪除bluebluegirl:其實仲有好多地方想去食架...不過通過都係放假先會去搵好野食,有好野我一定會同大家分享架 thy:其實唔係好多野咋喎,每樣我地都係叫一份黎share食架,所以其實分量又唔係你想像咁多~~ soldier:咁又係,不過食物味道好就可以加分呢~~ V&E:味道真係唔錯架~
回覆刪除等你呀))))
回覆刪除