去北海道做足準備~~
由於北海道實在太大,8日行程都要轉幾次酒店,所以用旅行唿就唔係咁方便勒~~
老公其實已經有一個好大既行山背囊應該足夠今次行程之用,不過諗住係北海道大肆購物既我當然想帶個吉既旅行袋去載我既戰利品啦
,於是就想買多個行山背囊俾自己勒~~
上星期日已經行遍旺角的行山運動用品公司,我就睇中左紫色既Lafuma背囊...呢隻色好少有架,行勻晒先見到2間有,仲要只係30L先有紫色,價錢係$719再8折,即係$575.2...係就係比其他貴左少少,不過真係靚好多喎...可惜我又覺得如其買,不如買個大d既,第日去更長既旅行都唔怕袋唔晒d野呀麻~~不過間間都話其他一律都無紫色,見仲有時間就唔買住勒~
今日係CPK食完野就行海港城賣運動用品個層,結果係Gigisports見到Lafuma 60L 行山背囊有紫色呀
,上次係旺角都見到呢個款,不過只係得藍色,價錢一樣都係$899,不過旺角就有8折,呢到只係得85折咋,貴左$45喎~
不過Gigisports就可以加$45換枝戶外防晒,咁樣仲會送把Le coq sportif既三縮遮...我見我係北海道有一日book左玩山溪激流,又有2日要去行花田,老公都要有身體既防晒準備,所以就換左佢啦...而把遮細細把都適合去旅行用,所以我就覺得無蝕得咁多啦...而且我真係好鐘意個紫色呀
,連老公都話隻色好少見又好靚~
千金難買心頭好,忍唔住手就買左啦,用埋cashdollar之後,3樣野承惠$781...希望可以有好多機會揹住佢周遊列國啦
依個 colour 真係好靚....貴d 都值...而且加 $45仲可以換埋其他有用既野...唔錯呀 !
回覆刪除我6月同bf去蘇梅島旅行都打算用大背囊。方便嘛~~~ 仲特登買左個寄倉袋，免得背囊有損壞!!
回覆刪除我都係用呢一款喎~~
回覆刪除妙妙:你6月去蘇梅島呀,陽光與海灘,正呀~~不過應該唔使帶太多野,又唔多野shopping,都係以嘆為主~~ 碧姬:係呀,隻紫色真係好靚,所以貴d都要買
回覆刪除caca:係呀,咁我有無買貴左呀
回覆刪除我喺朗豪坊買, $899,8折~承惠$719~不過我無得加錢換嘢囉~ hehe~我都好羨慕你同老公仔去旅行啦~ "有一日book左玩山溪激流,又有2日要去行花田"<-----聽落都幾開心呀~~
回覆刪除抵丫抵丫，紫色靚呀，我好鍾意紫色0架！ 我好"渣"呀，揹背囊一陣就會覺得好辛苦，所以舊年去德國雖然一兩日就要轉酒店，我都係帶唿0架！不過盡量減少行裝帶個細唿，一路上都很方便，貪一停低(如：睇地圖)就休息唔駛揹，真係懶，用背囊就梗係有型兼寧靜(拖唿好嘈)啦！ 有得去北海道，真係諗起就開心！
回覆刪除做足晒準備喎, hehe, 去北海道玩激流? 邊樹呀? 在哪book? 其實有無考慮在北海道租車自駕遊呢, 咁樣唔駛拿著行李轉車咁辛苦嘛
回覆刪除咁o岩o既，我剛剛又買o左個背囊，不過只是20+L 我人矮，用唔到60L大背囊（個腰位唔o岩），頂多45L 老公就會用60L 不過我兩公婆有時貪方便，即使去成兩個星期旅行 老公只用45L，我用30L（沒背架）就算 btw，個背囊顏色真係幾靚喎！
回覆刪除紫色人係少有 幾好ｗｏｒ 仲有咁多野送 件件都好實用 你幾時出發呀？ 玩得開心ｄ呀！！
回覆刪除JaKa Footprint :我6月16日出發呀...期待中 JK:哈哈,我貪心麻...嫌30L細,而且老公個個都好舊啦,或者用我呢個新既做主打...haha La La:我book左呢間呀,每人5250yen呢,老公話唔算貴喎,係十勝呀~~ http://www11.plala.or.jp/~tom555/ 無辦法啦,我同老公都無車牌,所以唔可以選擇自駕遊~~ Sher:抵呀,你咁講我都無咁肉赤~~不過紫色真係好靚呢,仲好襯北海道既薰衣草添喎~~ 其實我唔係好鐘意用唿架,反而鐘意用背囊,自從上兩次都用老公個背囊去旅行,我就覺得背囊除左方便之外,可放既東西比用唿多好多呢~~ Ca Ca:原來朗豪坊有紫色又有8折,早知我都去呢到買啦...不過宜家有多2樣野就算啦~
回覆刪除背囊個顏色唔錯喎！我都鍾意呀！ 雖然貴o左DD，但係買到自己鍾意o既色，都無緊要啦！
回覆刪除Little Bunny:係呀,平時既我貴幾蚊都唔會買...今次為左隻靚靚紫色,就使多少少啦
回覆刪除有空請繼續到我的 Blog, 今天剛發表一篇夕張蜜瓜 ( http://hk.myblog.yahoo.com/dhhtravel/article?mid=388&prev=-1&next=379 ) 的文章. 預祝你北海道旅行順利.
回覆刪除日本浪人:我都有睇你個blog參考呀...夕張蜜瓜我一定會試既~~
回覆刪除