星期二去唔成食高級餐廳,不過我見原來King Ludwig德國餐廳係有tea buffet既,每人$98+10%,唔算好貴...於是決定今日同老公去呢到食tea buffet..本來出發前諗住上網查清楚係尖東邊度,點知老公話佢知喎...結果當然係唔知係邊啦...好在我見好友茹時之前食過,就打去問佢...唔係都唔知幾時先有得食~~
2點3去到都已經有人食緊啦,我地就被安排係裡面既4人大檯...我個人覺得都幾多野食喎,佢出名既德國咸豬手都有得食,我覺得整得好香脆,唔錯唔錯~~德國腸就有兩款,其中一款係芝士腸,好味道呢
佢既甜品亦唔錯,仲有即叫即煮意粉,蝴蝶粉我平時都好少食呢,亦有南瓜忌廉湯,頭盤沙律,連雪糕都有呢~~每人仲有一杯飲品架...我同老公慢慢食,食到成4點幾先走...我決定今晚唔會食晚餐啦,因為真係好飽啦~~
對我黎講,呢度既tea buffet都好唔錯....食物款式亦唔算少,一百蚊其實都算抵呀...大家可以考慮去試下~~
haha..咁好介紹..請問係邊度呢 ?
回覆刪除真的好多夥吃呀!! 係那兒的? 等我同老公都去試試先
回覆刪除咦, 我今年情人節都係去依間喎, 不過食左千幾蚊呀, 但係無咸豬手食 ... 得閒去嘆tea先
回覆刪除珍納:咁樣比較,呢個tea buffet真係抵好多喎~~ fiona,碧姬:佢係尖東同赤柱都有架...尖東就係新世界中心對面,近東鐵站出口(好似係K出口,個出口係tst郵政局個條街架)
回覆刪除好似真係好多o野食喎！而且價錢又唔貴，抵呀！
回覆刪除德國最好嘅食物係咪腸仔呀？
回覆刪除馬騮仔:除左德國腸,德國咸豬手,德國啤酒同德國麪包都好出名架~~ little bunny:我都覺得幾抵...你就機會都去試下啦~~
回覆刪除好抵喎, 好食冇?
回覆刪除bluebluegirl:我覺得味道都唔錯架...特別係個咸豬手,真係幾香脆架~~
回覆刪除