係sogo週年慶完結之前,我今日放工再去左sogo超市入貨...以上係我既戰利品~~
日清麻油2枝:屋企枝麻油剛剛用完,日清麻油一向都係好評如潮既...平時一枝都要$28.8,今日$27就有2枝啦~~抵~~
日本BB蛋黃醬:呢款蛋黃醬都好多人用既,平時賣$29.8架...今日只係$18,所以又買定遲d試下~~
Johnsonville珍寶腸:老公極愛食珍寶腸,上次係吉之島買既已經話好好味...我見平時呢款腸賣成$50一包,今次減到$36真係好抵...老公又鐘意食,於是買左3款味,分別係芝士、香草同埋辣味~~
咖哩烏冬:烏冬亦係老公既心頭好,雖然只係平左3蚊唔算多,不過都買一包試下~~
口辛咖哩:見日式咖哩醬特價$10就買一包放係廚房看門口~~
日清意粉醬:平時一包意粉醬賣成$17咁貴,所以我都唔會買既...不過今次見到特價$11,就買一包試下啦
用埋sogo visa之後,就係超市使左成$178啦...張單仲寫住慳左成一百蚊架~~不過我仲想去多次掃貨呢
真係慳好多喎, 尤其係麻油, 我都係食呢隻, 好香!
回覆刪除呢隻意粉醬唔錯，我喜歡洋葱蜆肉汁～～
回覆刪除我都有去Sogo行過，不過唔知點解完全冇心情買野，眼見周圍既人係咁搶住買野好似唔駛錢咁，而我就手空空咁行出門口，之前真係未試過架
回覆刪除JK:洋蔥蜆肉醬好味架...好,等我聽日又去買先 貓眼:係呀,我都知日清麻酒係好野架啦...所以買定2枝慢慢用
回覆刪除阿Thy:點解呀,真係抵好多喎...你知啦,平時d日本貨咁貴都唔會點買既,宜家既價錢比普通牌子唔貴得好多,所以我好多都想買...不過得一對手都唔拎得多,所以要分幾次買~~ 你好似好耐無shopping咁喎...使唔使我地約你去shopping呀~~
回覆刪除呢隻洋葱蜆肉醬汁是日式的，並不是平日吃的白汁，很特別，值得一試 我以前試過用來煮蝴蝶粉： http://hk.myblog.yahoo.com/jw!1VcGvk6YERmwXjoRZ8IBBlepH7M-/article?mid=1579&fid=14
回覆刪除我都有用BB蛋黃醬架, hehe
回覆刪除我計過仲有5個月我就可以還晒啲債，所以我唔可以畀自己亂買野架，但係同你地gathering當然一定到啦
回覆刪除thy:嘩,咁咪要忍手多半年先得lor...咁都好,你宜家無購物慾真係可以慳好多~~ lala:係呀,果然係受歡迎喎~ jk:你講到咁好食,一定要買黎試下先得~~
回覆刪除哈..我屋企的存貨實在太多..我要節制住唔可以買野住呀...
回覆刪除敏敏敏:我就相反,d存貨去得7788...咁o岩sogo又大減價就梗係去入貨啦
回覆刪除Yan，我尋日喺百佳見到有隻沙律醬同你支日本BB蛋黃醬既包裝一樣架，個膠袋上面既字除咗有日文仲有中文既，不過係中國製造囉，售價只係$15.8咋喎，其實係咪同一樣野嚟架??
回覆刪除thy:係咩?我唔知喎...不過我買呢個係最大既size(500g),佢有d細d既size就會平d架...但係有中文字我就無見過喎~~
回覆刪除