今日放天繼續去sogo超市入貨,買左勞太推薦既洋蔥蜆肉醬汁,另外見到款和風香菇醬又要左一包...之後見到有天使麪又買左包,平時係普通超市都唔覺眼有得買~~其他都係d方便食物,例如老公鐘意既味o曾湯底拉麪、鹽味雞串、豬肉腸、信州金菇同埋即食意粉....今日呢到平d,$110仲有找,慳左$50架
本來一心都係想煮意粉做晚餐既,不過諗番真係好耐無煮過家常便飯啦...結果好勉強咁將雪櫃既雪藏雞翼、雪藏豬頸肉同埋琴日買既辣味腸整左三味餸~~
豆豉雞翼:豆豉炒雞球就整過,用黎做雞翼就係第一次...老公話好入味,好好食喎~
XO醬炒豬頸肉:豬頸肉比豬扒就真係易煮好多,味道都唔錯~~
辣味腸炒菠菜:呢款辣味腸都真係幾辣,我就當然無問題啦,不過老公就話辣左少少...哈哈哈~~
雖然無湯,不過今餐都算係咁啦,好耐都無食飯啦
嘩.....你今日又入貨呀
回覆刪除我發覺妳呢排成日都食菠菜喎～～
回覆刪除JK:係呀,我比較鐘意食菠菜呀麻~~ 阿Thy:哈哈,入埋今日啦...d野夠我食好多日架啦
回覆刪除我今日都去0左銅鑼灣Sogo入貨，與你的選擇也很相似呢！有日清意粉醬(我試過好多味，覺得呢隻牌子茄汁類好過白汁類，個人覺得白汁太稀了，有茄肉的款式較佳)、是日特價S&B咖哩、雞串、還有芝士味珍寶腸。 我入貨前冇睇過你個blog，鐵男就有睇過，所以他一早就提我要買珍寶腸喇！哈哈！
回覆刪除個雞翼係用豆豉醬定就噤用蒜頭豆豉炒呀? 我同jk講真係羡慕你地可以日日同老公撐枱腳同煮飯仔呀, 好sweet!
回覆刪除好好味咁.. 頭鼓, 我鍾意食o架..但係老公麻麻..所以我好少煮呀
回覆刪除敏敏敏:豆豉確實幾惹味...不過老公唔食就無辦法啦~~ innis:我就咁用豆豉去整架咋...俾你提一提,我真係好似有樽蒜頭豆豉醬架喎,等我番去搵番出黎先 你都上左去住,唔係為左可以見老公咩?你老公好忙架,番唔到屋企食飯 sher:你放假呀,去cwb sogo咁遠既~~多唔多人呀?d珍寶腸真係好鬼抵呢~~平時太貴一定唔會買架呢 其實我未買過日清既意粉醬,就當係試下啦~~我諗鐵男都一定好鐘意食珍寶腸,唔係都唔會提你買~~
回覆刪除掃貨之前梗係要黎 "吾家吾居" 睇一睇你o既推介先啦，唔係就真係走寶喇！ 我同菇時見番上次響又一城 Taste 買既紐倫堡腸，仲平過上次添呀，不過今次我地揀左珍寶腸，忍痛捨棄左佢喇～
回覆刪除好好餸喎! 2個人食唔食得晒架? 見你掃貨掃得咁開心...我今晚都要去入貨先!
回覆刪除V&E:我要留2個飯盒,所以d餸都係o岩o岩好咋,我嫌少添呀 ...今日係sogo減價最後1日啦,快d去最後一擊啦~~ Ironman:點解我係tst唔見你地上次食既紐倫堡腸既...仲平過你地上次買呀...點解唔買埋佢呀,回味下呀麻~~
回覆刪除辣味腸好似好好食喎
回覆刪除最後1日? 好彩你提我咋!
回覆刪除掃o左好多貸喎！ 個豆豉雞翼，D豆豉係現成一樽樽，定係自己整，我都想試o下整個豆豉雞翼呀！
回覆刪除你地兩個梗係好鐘意食"面"啦
回覆刪除又一個煮野食好手
回覆刪除alovea:唔敢當,我都係跟其他blog友學習架咋~~ jenny wong:我貪煮意粉方便呀麻...不過我同老公都幾鐘意食麪架~ little bunny:我係用原粒豆豉整架...d雞翼好似平時咁醃,另外再用原粒豆豉盅爛放入一齊醃,之後就拎去乾煎(即係唔落油),然後用洋蔥豆豉起鑊,加入少許雞湯煮滾,跟住將煎好左既雞翼回鑊至收汁即可~~ V&E:有無去掃貨呀~~ bluebluegirl:如果你鐘意食辣既話應該會鐘意食呢~~
回覆刪除有呀有呀! 最後一日人多到暈呀! 想買你介紹既熱狗腸都已經搶購一空喇!
回覆刪除V&E:下,d珍竇腸已經無晒...我星期三去個時都仲有唔少架喎~~咁你買左幾多野呀
回覆刪除估唔到紐倫堡腸在Sogo係咁抵，原價都係大概$36(最少有12條)，不過一個月之後就到期，買0左Johnsonville腸就忍痛收手了！
回覆刪除Sher:可惜我見唔到紐倫堡腸,如果唔係一定會買埋佢...一個月內要消滅佢對我黎講無難度
回覆刪除都唔係買左好多咋! 因為行到腳都軟喇! 我買左d意粉醬/3合1咖啡(老公至愛既牌子)/大板王將餃子&我既至愛麵豉湯呀!
回覆刪除V&E:咁都唔錯呀~~
回覆刪除