0309 ~ 蝴蝶‧樹 姊妹聚會

星期五晚約左 蝴蝶‧樹 既姊妹,今次聚會地點係我地眾多姊妹中第一位快將做人媽媽既鄭太屋企...可能東涌實在太遠啦,而其他姊妹既工作又太繁重,本來有9人出席既聚會,最後只係得4位(另加2位先生)~~

雖然係咁,都無損我地今晚既精彩節目...分享左2位靚太既video,2條片各有特色,而且都幾多笑位架喎...一個係豪邁奔放既新娘子,最深刻既對白係 "黎,唔好令大家失望",跟住就好似鱆魚咁嘴嘴勒

一位係心急既新娘子,帶金鐲永遠係雙翼齊飛...成段片都充斥著"年生貴子"，"三年抱兩"既賀詞...唔怪之得咁快就當媽媽啦

時間過得真係太快啦,原來已經12點幾,老公仲打黎吹我番屋企添...不過原來過左12點,好多尾班車都開出左啦...好彩最後查到地鐵仲有得搭,急急腳就趕去追尾班車啦,連pizza錢都唔記得俾添呀

番到屋企已經1點3,老公話我咁夜番搞到佢瞓唔著喎...速速就要陪佢上床就寢勒~~