食完晏畫既刁草芥末威靈頓羊仔柳之後,休息左一陣,3點鐘就起程去街街勒
今日既目的地係UNY,跟住老公就醒係好近西灣河,想去上個星期阿蘇係有線介紹既太安樓食雞蛋仔同埋車仔麪~~
去到我地打算食雞蛋仔當下午茶先,見到長長一條人龍...電視效應真係唔可以睇少
,價錢亦由$6加到$7一底,不過都唔算貴...排左都有成半個鐘呀,我同老公一人一底,食落果然係唔同d喎
,外脆內軟,最重要係我同老公都係第一次食到雞蛋仔個餡係咁多料既,食完一底都有d飽飽地勒
由於太口渴,我地就去珍香園飲豆漿,呢間都好出名架~~好彩阿蘇無介紹咋,唔係怕且有排等呀~~每人一杯冰凍豆漿加多碟椒鹽豆腐,yummy
...佢既豆腐花都好得架,不過真係食唔落啦~~
行完UNY之後再折返去太安樓食車仔麪,又係長長一條人龍...我地要左一碗4餸車仔麪兩份食($20),好大碗架,有冬菇(真係好入味,正~~)、雞翼(炆得好淋)、豬腸(老公話唔錯)同埋豬皮(都幾好)...而佢個湯底都好好味...唯一個問題係無得坐,買完要企埋一邊食...所以我同老公都係覺得車品品好d....哈哈~~
今日絕對係西灣河既美食之旅,食左咁多野咁飽都只係$57咋...超抵
Oh, that's close to my place! I love going to 珍香園 and eat their "dau fu fa" and "Chung yau ben".... where's that noodles place and 雞蛋仔? I love their "fish ball"... there's one "fish ball" uncle, he makes a different special sauce with fish ball or "Au Bak Yip"... with a hint of sweetness! Hope he'll still be there when i come back!
回覆刪除哈哈!! 之前都有睇阿蘇介紹過,所以都諗住明天去食雞蛋仔+車仔麪囉!! 其實我亞婆住響西灣河,但係我之前都無食過 lee 間雞蛋仔 he...he... 不過間珍香園就成日去啦!!d豆花仲"正"呀!!
回覆刪除我都要同老公去試下先, e+要去睇阿蘇今個星期介紹d咩, 唔講la
回覆刪除我都要去下先~~阿蘇效應真係好勁, 記得好早之前介紹過深水涉咖哩魚蛋, 之後次次去都勁排長龍....
回覆刪除我99就係住係附近...介紹果幾間, 唔知我有無食過呢?!
回覆刪除新仕陳太:係呀,咁你會發現某檔口突然好好生意大排長龍 Bear:係呀...我miss左個集添~~ PuiPui:今集講北角,我都好熟呀~~ Sa Sa:你去左未呀? Alwen:雞蛋仔同車仔麪就係太安樓入面...好近珍香園架~
回覆刪除珍香園 d 牛肉飽都好好味架! 我細個住附近已成日去, 結左婚又住附近, 真係"轎" 我同老公都成日去太安樓開餐的, 其實之前係對面個檔車仔麪, 以前仲多人排隊d, 其他兩檔d野食都差不多, 依家出名個檔係少d人的, 有時對面果檔要排隊我先去出左名個度, 依家咁排真係有d誇張!! 雞蛋仔我就覺得北角同佐敦果檔好食 d , 太安樓只不過係平lor! 其實, 裡面有一間泰國鋪頭d野好好食的, 冬蔭公湯好正, 仲有燒魚 (成個爐上) 只不過係 $4 -50, 我試過不同的野, 都好好味!!
回覆刪除哈哈!! 我星期日去咗啦!! 不過只係食咗雞蛋仔炸!! 因為排隊都排咗45分鐘呀!!
回覆刪除