今日好早又食完晚飯,洗埋碗又寫埋blog都未到9點,所以又興致勃勃同老公去長廊踩單車同跑步
我地已經去屋企附近既單車舖為車呔打氣,只係$5咋,超抵
...初頭一段老公踩單車,我就跑步~~之後就輪到我踩啦...我一向平衡力都唔係幾好,所以踩單車都係麻麻地...首先起步個一下好困難,左搖右擺,要試好多次先可以順利起步~~
如果起到步,一條直路咁踩我就絕對無問題....不過半年前我都未學識轉彎,今次我終於成功轉彎啦...長廊既單車徑彎彎曲曲,我都可以順利咁踩...好開心呀
不過玩左一陣,我隻手仲攰過隻腳...因為我太大力握實單車頭啦,唔知點解我要好大力先可以穩定到車頭,唔係又會左右擺架啦...所以隻手好攰~~(幅相係我踩緊既時候老公影架~~)
入到去單車廣場,老公仲表演企係度踩單車俾我睇添喎...唔知我幾時先可以踩得咁得心應手呢
我細細個時就俾老豆迫我學..跌過好多次呢~ 不過我已經好多年無踩單車喇~
回覆刪除我好細個就學識踏單車，不過... ...成日都發生意外 小意外不計，我試過因為踏單車而整傷腳踝，做左十日物理治療，隻腳足足腫左半年 又試過「仆崩鼻」，個咀同個鼻頭都損曬... ...勁樣衰 所以免得過的話，我都唔想踏單車... ...
回覆刪除吳家吾居 , 咁你就要多多跟你老公練習... 得左既話... 咁就可以 "大埔踩單車郊野上...." ~~~
回覆刪除七七: 我會架啦 JK:我就係成日驚發生呢d意外,所以一見唔對路除左嗌之外仲會即刻停低~~所以學咁耐都係麻麻地lor~~你小心d應該無事既 敏敏敏:我怕跌,所以遲遲都未學識...真係好渣
回覆刪除咁得意啊．．．．． 踩單車都好好玩啊 我今過星期都想去玩玩 ．．． 不過我就唔識 ｓｗｉｍｍｉｎｇ ～
回覆刪除我同老公就成日約埋他d波友成日去踏單車的, 今個easter holiday 可能又出動啦.
回覆刪除我都係十幾歲先學識踩單車，嗰陣姑丈扶住我車尾，跟住架車跑，好辛苦架。只要你放膽啲踩，唔好怕跌到，好快就會上手架喇!! 車厘子: 我都唔識游水，都好想學識佢呀
回覆刪除Thy:我都知,不過都係放唔到個膽...haha...游水我都唔知算唔算識,老公話我個d叫烏龜式喎~~想唔想像到係點呢 Fiona:踩單車其實都係一個幾好既活動黎~~ 車厘子:唔識游水都可以去玩水架麻~~
回覆刪除已經好耐無踩單車嘞！ 恭喜o西呀！踩多幾次，應該會好D嘞！你有軍師o係身邊指點o麻！
回覆刪除