我個部門得3個人,一向都同另一位clerial同事唔夾,所謂話不投機半句多,我地係唔會傾計既...工作上亦很少對話,寫紙仔或者電郵就能解決工作問題~~
今日老闆終於問我點解我地唔傾計,咁靜侷,係咪溝通上有咩問題...點講好呢,我又唔想講得佢咁衰,只係佢對我既語氣無咩禮貌亦唔helpful,不過佢對住老闆一定無呢一面啦,講黎都係徒氣...所以我只係同老闆講話我地之間無咩話題,不過老闆似乎想我地多d溝通,仲話今日請我地兩位去食晏,叫我地決定去邊到食~~
既然係咁,我唯有硬著頭皮問同事有咩意見...佢既語氣好堅定咁講話無,無所謂...咁我咪同老闆講話大家都無意見...跟住老闆又叫左同事入去傾同一個問題...我聽唔到佢講咩,不過最後佢就同老闆提議左食晏既地方勒~~同一樣野,都話我問同老闆問,佢既答案會唔同架啦...預左
老闆之後同我講話同事見我寫紙仔,所以用番紙仔回覆我,佢無野架喎...OK,佢咁講就咁啦,我無野補充~~成餐飯,我都無咩出聲,對住一個唔鐘意既人,真係諗唔到話題
老闆係度都係咁話,我真係做唔出咁假
老闆開到聲,我咪唔寫紙仔走去同佢講工作lor,佢面無表情只係答左我一句,做緊啦(可唔可以回答得友善d呢,我都好有禮貌喎)...之後同佢講佢之前開張order寫錯左個user code,應該係咁咁咁....佢竟然反問我"咁你想點呀"...下,我想點我無咩想點喎,我見你做錯左,好心話你知,等你下次唔好錯...有咩問題呀?
係咁既情況之下,我都無咩好講啦
都話勉強無幸福架啦~~我覺得我都係太天真啦,以為老闆同佢傾過會好d...點知都係咁...唉
我都好討厭 d 人係咁..特別要一齊工作..真係辛苦自己 ~ 希望你個同事將來會有改善啦 #
回覆刪除嘩~~~我真係超明白你既感受呀！ 出黎做野咁耐，身邊總喺會有啲「無品」既人。有時我唔同佢地斤斤計較，係因為我真係做唔出類似佢地咁無品既表現。 但到頭來，勞氣既係自己，而我永遠都唔明，點解佢地唔介意對人唔好？點解佢地唔介意做衰人？（可能根本佢地就唔覺得自己有問題。） 不過我呢兩年都睇化左好多喇，要自己勞氣實在同自己過唔去，所以我都唔將呢啲事放上心。但求自己繼續做個有品既人，咁就算啦！ 喂喂喂，從文字上睇唔出你既心情係點，不過如果你有需要呻，好以打電話俾我呀！
回覆刪除每一間公司都有怪人架啦, 佢用咩態度對你, 你咪同樣對叔佢囉, 呢d人會得寸進尺!
回覆刪除嘩? 佢一開始同你就係咁喇? 佢都幾無禮貌o架喎!
回覆刪除敏敏敏:係呀,就係咁無禮貌 Innxx33:我都想呀,不過我又做唔出咁衰~~ Joey媽:其實我都化左好多啦,所以你從文字上睇唔出我既心情lor...我都唔會因為佢一個咁無謂既舉動而影響我既情緒,況且同老公呻少少就無事啦...如果好嚴重,我一定會搵你開解下 碧姬:想佢改都幾難...我都係維持現狀算啦,呢個難題就交俾老闆啦~~
回覆刪除睇完你呢篇blog, 完全身同感受呀. 好一句 "話不投機半句多", 我都係用同你一樣既態度. 不過我就好少少, 都有親口同佢講工事. 其他就免喇. 我都有懷疑, 呢d同個星座有冇關呢? (雖然我都唔知佢係咩星座, 亦唔想知)
回覆刪除