今日既晚餐算比較清淡,就係
芝士牛油焗什菌:係超市見到好大包什菌,有金菇、冬菇,仲有好多不知名既菇菌,特價只係$5咋
...咁抵無理由唔買啦...雖然買時都未決定點煮~~回家途中不斷盤算著如何處理這一大包什菌,最後想起有時在食店會叫的牛油炒什菌,所以就做了這個菜
...還加上我愛的芝士,好味道
奶油菜丸煲:呢煲既食材都係普通既包心牛丸、墨魚丸、魚皮餃、小棠菜同埋鮮冬菇...不過最特別就係個湯底,我煮煮下想起奶油津白既奶白色湯底....所以加入左牛奶及淡忌廉,果然呃得下人喎
...雖然我唔知真正既奶油津白既湯底係咪咁煮,不過似似地我就當得架啦....哈哈
老公今餐既評語係「點解今餐唔係3個餸既
點解今餐無肉食既
...」我話有包心牛丸喎,最後我無食過牛丸俾晒老公食,不過我就要包辦墨魚丸同魚皮餃,因為老公唔食既~~我諗都係維持番多肉既晚餐先得啦~
(其實我今日仲見到成隻春雞特價$13,所以都買左...不過打算試下整完整既焗雞,所以今日只係醃左...醃一晚留待明天才焗先好味呢...話時話都係第一次好似幫隻雞按摩咁去醃,又要拎係雞翼位搽d遮住既地方,又要放d醃料入雞腔內...都幾得意架~~老公聽晚有雞食啦)
你唔好講笑啦, 咁樣叫清淡d?^^
回覆刪除嘩, 一聽到話: 芝士 牛油焗什菌... 芝士... 好肚餓呀!! (依家時間係 12:01 pm...) 我個肚.... 打鼓中..... 好陰功~
回覆刪除真係好肚餓呀...............
回覆刪除Thy:就快有得食飯架啦 七七:你都鐘意食芝士架?...你呢個時間o岩o岩係我lunch time既開始~~ SON SON: 以我煮飯既標準算係清淡架啦...又無咩肉,又唔濃味
回覆刪除點解你整親既晚餐都咁豐富既.... 睇見到流口水呀
回覆刪除我只是想，點解妳屋企附近間超級巿場成日有平o野賣？ 咁大包雜菌都只係五蚊，成隻春雞又只係十三蚊... ... 究竟妳幫襯邊間超巿o架？？
回覆刪除JK:哈哈,你唔知大概5,6點超市就會貼特價牌架咩?...我試過 1 分鐘前仲賣緊正價 , 轉個頭番黎就貼左特價牌 , 平成十蚊架～～ 我係早２個站落車先可以去到有餸賣既超市，回家路途都可以兜多２間，所以如果第一間無咩特價既話，我可能會兜去第２間，再無又去第３間，總有１間有平野架麻．．．不過如果太勀，我都係算架啦 ...呢d就係我既c9本色
回覆刪除Lover:得2味餸咋喎,都叫豐富?我老公嫌得2味呀
我老公見到一定要我煮.... 芝士同菇菇都係佢鍾意食的~~~
回覆刪除