新年至今不斷忙於拜年同聚會,老公更加病左幾日添...我突然好想同老公去郊遊一番,今日仲推左朋友上黎拜年既約會,決心要去郊外行下
但係我地都唔知去邊到好,最後老公話不如去大尾督...入到大埔先12點半,老公帶左我去行舊墟...物價好似好平咁喎,而且好似好多好野食呢~~之後再去左大埔超級城行左一陣,不過一陣要去大尾督,所以有得睇無得買
好啦好啦,要入去大尾督啦...2點半到左,唔係好多人黎玩咋喎...我地無租單車亦無租艇仔,只係慢慢行...係船灣淡水湖既大水霸漫步...由頭行到尾要成半個鐘呀,一來一回就已經一小時~~好好陽光呢...不過有海風輕沸,好舒服呀
雖然今日既運動就只係行黎行去,不過食晚飯時已經好攰啦...仲成身都係汗添喎...不過難得可以同老公一齊享受郊野樂,好開心呢
得閒去下交區, 享受下大自然, 感覺真係好怡人呀!!! 你先生未好番嗎? 係咪無介口呢???
回覆刪除七七:我老公病好左啦,不過都係唔夠精神...所以同佢去下郊遊,呼吸下d新鮮空氣~~
回覆刪除我以前住大埔時，老公成日入o黎大埔，同我去大尾篤／新娘潭行下o架！好舒服！ 自從搬o左之後，好少入大埔，因為實在太遠，搭車要成個幾鐘 諗起大埔都懷念
回覆刪除JK:等小巴時,老公都有話可以去新娘潭,係咪好似行家樂徑咁架? 你以前住大埔架...咁你實知大埔有咩好野食啦,介紹下,等我下次入去試一試~~
回覆刪除睇你前兩篇既日誌，我心裏面就諗：「做乜入黎大埔都唔搵我？ 」（雖然，我都唔喺屋企 ） 不過睇到呢度，就知你同老公想靜靜地郊遊下，咁就算你啦
回覆刪除Joey媽: 我入大埔又點會無記起你呢,只不過我睇你篇《隔離政策》就已經知你星期六同日會有好多節目同Joey出去玩,所以咪無打擾你lor...宜家都3月啦,怕且都可以再夾時間約出黎聚聚
回覆刪除