星期二番左99屋企食飯,因為要同99講唔好再俾衫我~~而琴日我有少少腸胃炎,所以請左病假係屋企瞓左成日,老公又要我戒口,所以晚飯只准食粥...今日可以自己煮飯啦~~
今晚想煮d新意既晚餐,上星期係citysuper買左d日式食材,所以嘗試下煮個日式晚餐~~就係
日式煎薄餅 Okonomiyaki : 除左薄餅粉之外,仲加入雞蛋、生菜...再同煙肉一齊煎~~煎好就鋪上薄餅醬,撒上紫菜粉以及木魚碎,咁就完成勒~~
今次呢個日式煎薄餅我覺得仲有好多改善空間,首先個薄餅煎得唔夠圓,其實味道都唔差
...可惜伴碟既生菜就唔得啦,因為無味道呀
...哈哈,我見剩低左咁多生菜,所以就拎黎伴碟,所以中看不中用勒~~
而老公就嫌只係得煙肉唔夠,想我再加入多d肉...等我諗諗啦...一包薄餅粉係唔止整到2個既,不過食完一個都已經飽啦,所以老公話留番佢聽晚再煮過喎~~好,等我再諗下點樣整會好味d先
好犀利呀!! 好吸引呀!! 好想食呀!!
回覆刪除好靚呀！ 不過我想問 個餅下面一條一條的是什麼？
回覆刪除JK:賣相靚同味道唔一定成正比既,不過我覺得都叫OK啦~~個d一條條咪係炒烏冬lor 出街食有d會有炒麪係底架...不過屋企無拉麪,得一包烏冬,所以就同老公一人半包lor...哈哈 Pui Pui:都係整得麻麻地好味咋...不過其他好易整,你都試下呀~
回覆刪除我超級鍾意食呢種日式燒餅拼炒麵，見到幅相就已經好開心喇！ 犀利呀！ 以前尖沙咀太陽廣場有間燒餅店(後來執左)，可以自己落手整0架！要用個鏟不斷圍邊壓才會整得圓碌碌，材料就可以揀鮮蝦、魷魚、三文魚、吞拿魚、豬肉、牛肉等。 有機會都要試0下先得！
回覆刪除好似出面日式店舖果d喎~~~
回覆刪除好似好好味咁呀, 請問難唔難整架??
回覆刪除Lover:唔難整架,買d薄餅粉開水加d材料攪埋一齊拎去煎就ok架啦~~ Bear:都叫似樣啦...不過係街食當然多好多選擇~~ Sher:係呀,我都去過你講個間食過一次...有得自己整既,有得玩有得食~~唔知幾時就執左lu ...不過印象中都貴貴地...香港好似無其他有得自己整黎食lu~~ 你都去買黎整啦,好簡單架咋~~
回覆刪除網上介紹銅鑼灣一間「遊樂」的小店(只有約10個座位)，由日本人所開，有兩張檯可以自製燒餅，價錢不貴，有機會我會去試試。 http://www.openrice.com/big5/sr2.htm?shopid=17267
回覆刪除err...你呢個一定係變奏版 ^_^ original應該係用椰菜絲ga bor... 仲有呢, 有拉麵喺下面果種呢, 係廣島式Okonomiyaki, 廣島式嘅話呢, 塊餅皮就好薄... 仲會有隻煎蛋喺面添! 哎也, 我其實有本okonomiyaki食譜, 好想show俾你睇添!!!
回覆刪除朱太:睇黎你對Okonomiyaki好有研究喎 ...我呢d淨係識食架咋...唔知邊款打邊款,似似地就當OK架啦,既然你有本食譜,不如係你個blog試範幾款等我偷下師都好呀 Sher: 好,等我又記低你既推介先...有機會要去試下~~
回覆刪除都好喎...安排下先!
回覆刪除好想食呀！
回覆刪除我發誓唔會再去city super買嘢囉, 因我住愉景灣其實間百佳都好多唔同國家種類的嘢賣, 但有時又忍唔住去city super 行下, 但city super 真係好離譜囉, 的嘢貴成好幾十%, 好像韓國粉絲, 以前百佳無得賣, cs賣50+, 但而家百佳賣23蚊咋, 激死我
回覆刪除enyalam:係呀,citysuper真係比百佳惠康貴架...所以只會買d係佢到先有既野lor...仲有佢d特價品真係唔慢慢睇都睇唔到呀,陰公~~ Little Bunny:你想食呀,快d試下整啦...好容易架~~ 朱太:話咁快你就整左啦....真係快手呀,仲好正宗喎,我又學到野啦
回覆刪除