可能因為個人呆下呆下,所以都無咩心情煮飯...而且又有強烈holiday mood喎,問老公今晚想食咩...佢話不如唔好咁辛苦,出街食喎~~
都好呀,我想食飯~~老公話好耐無去新森林,所以就去佢到食我偏愛既焗飯勒~~
我要左個芝士鴛鴦雞皇焗飯,一邊係黑椒汁,一邊係白汁....真材實料喎,好大兜呢
老公就要左個威靈頓鵝肝牛柳...即時令我諗起自己之前整個威靈頓羊仔柳呢...佢呢個比我個細喎,不過都好好味~~咁就放低左一百大洋勒~~
之後同老公去左永安plus行下佢個超市,好多台灣食品賣...之不過我好少整台灣菜,如果有需要,都知係邊到買到材料勒~~
個焗飯好吸引呀 我很喜歡吃焗飯的呢！（不過老公就麻麻地）
回覆刪除你係唔係去旺角果間呢?? 灣仔都有一間 ga,不過就唔係幾好食囉!!
回覆刪除SaSa:兩個都唔係,係佐敦呀~ JK:我都係好鐘意食焗野...老公就麻麻地...所以佢無叫焗飯lor~~
回覆刪除哈哈!! 其實我係想講佐敦果呀!!
回覆刪除嘩! 好似好好味咁喎~~~ 新森林... 係佐敦牙... 我要同老公 try try 呀~~~
回覆刪除七七:佢d野食都唔錯架...係佐敦道第一個街口(裕華對面黎架)
回覆刪除吳太... 咁我知啦! 因為今個星期六同老公係佐敦唱 k... 咁就去吃下吳太推介啦!!! Thank you 你呀~~
回覆刪除我見過呢間, 不過上次無時間試..因為太多野食!!
回覆刪除我都食過呀!D焗飯都幾好食呀!
回覆刪除我幾年前食過，都覺得好食....等我搵日再去試下先
回覆刪除我都好鍾意食焗飯呀，更加鍾意焗意粉，所以我見親你d焗類菜式都流哂口水0架！ 如果我自己擁有一個廚房，第一時間必定要買個焗爐呢！
回覆刪除突然想起，你上次提及的Main St. Deli優惠，唔知有冇邊度可以睇到詳情呢？
回覆刪除sher:下次係上黎我屋企,我整過d焗野你食啦 ...我post左Main St. Deli既優惠係新一篇網誌呀,你去睇下啦,底下個website係另一個7人欖球賽套餐優惠,記住睇埋呀~~ 小杯,little bunny:我地口味差唔多喎 敏敏敏:我都知佐敦好多美食架啦...所以都隔左好耐先去一次...你下次去試下啦 七七:同老公去唱k咁開心
回覆刪除係呀, 簡唔時就會高唱一番... 爽呀~
回覆刪除