巴希雅海灣

今日難得入到黎大尾督,老公介紹我黎食呢間泰國餐廳食晚飯 ~ 巴希雅海灣

我地由天光食到天黑...其實只係5點3食到7點半,環境好開揚,因為只有露天坐位,對出又係海景,感覺好似係外國咁...所以我地都好罕有地叫左好多野食

椰青及暹羅特飲:暹羅特飲幾好味呀,有涼粉,芒果,石榴子係入面,幾得意呀

炭燒串燒:雞、牛、豬各二,好香呀...好味道~~

蒜茸飽:都係炭燒架喎...yummy

青咖哩羊肉:好香,不過唔辣既,o岩晒老公既口味

香辣肉碎炒飯:呢味不過不失,不過好抵食...咁大碟只係$38咋

炭燒乳豬:呢個係佢既招牌菜,真係成隻豬係度燒架...真係燒到脆卜卜,不過略嫌唔夠熱~~

慢慢嘆,慢慢食...都幾寫意...單憑我地兩口子當然食唔晒啦,最後都要打包少少番屋企...

咁多野食,呢餐盛惠300大元,不過好日都唔入黎...食貴d無所謂啦