星期五放工回家,開門時已經覺得不妥當,因為木門只鎖了一個鎖頭...放眼屋內,沒有人啊,卻發現了2大袋衣服
...啊,是99拿上來的,不是男裝衫,是女裝衫啊
99常常都會給我們東西,衣服其實不是第一次,每次在99家我也只是挑一兩件當是謝謝99的心意(總不能次次也拒絕啊,我不要的話,難道99自己穿嗎
,要知道那些尺碼99是穿不下去的啊),也會特意穿著回99家吃飯...但是今次共12件衣服,實在太多了吧
...奈何又不是些老土不會穿的衣服,看看牌子,也是大家熟悉的Espirt、Theme、Colour18、Mastina、Bossin....而且親自拿上來,難道我拿回去嗎
看見這堆新衣竟覺得有點煩惱
,不穿嗎,似乎太浪費也不應該...穿嗎,有些實在太厚不合天氣穿著了,而且非自己看中購買的衣服真的沒有意慾去穿上它
更重要的是,我的衣櫃已經沒有多餘的空間了~~
除了衣服,前陣子就連鞋子也買給我
...真佩服99怎麼能買到合我穿的鞋子,鞋子可不便宜啊
,鞋底還貼著$695的價錢牌...是ELLE呢~~現在我會當上班鞋穿著~~
其實我真是十分多謝99買那麼多東西給我,雖然我很慳家,不到大減價很少shopping,可是也真的不用買那麼多給我...這麼多新衣未穿,我也很難給自己藉口去大肆購物...眼巴巴的看著滿街大減價卻不能買,連我可以享受shopping那小小的機會也再減少了...希望99停一停
,不要再買東西給我了,特別是衣服鞋襪,真的太足夠了~~
我還要享受購物樂趣啊
99既衫同我都差不多, 我每次換季都好頭痛, 因每季都有好多衫要掉又唔捨得, 唔掉既又冇位放, 每次換季後總是同自己講"唔好買咁多喇!!冇位放喇!"但係都係忍唔到手, 哈哈!!女人就是天生購物狂~~
回覆刪除不如你開聲同99講話冇地方放新衫，叫佢唔好再買啦
回覆刪除我都唔知點講好，其實妳99好鍚妳，不過我都係鐘意自己買衫多o的
回覆刪除haha...我公司出的鞋..哈哈 ~
回覆刪除好難搞喎, d style又唔同, 唔要又徙左, 你99真係好錫你, 但係噤落去唔係辦法.....
回覆刪除你99真的對你好好, 不過style 永遠都會同自己唔0岩的, 所以你要同她好好溝通.
回覆刪除雖然佢既心意真係好冧呀.... 問題係衣服既款式真係較為保守一點.... 真係... 很令你傷腦根喎!
回覆刪除七七:d衫都唔算好差,不過唔係自己鐘意lor fiona:style呢家野點同99講先得架...況且佢已經係出名既連鎖店買,我無理由仲話佢架麻~~ innxx33:不過我都無辦法~~ 碧姬:呢個牌子既鞋都ok既 JK:咪係lor...我好想自己去買自己鐘意既衫呀~~ Thy:其實之前都有係咁意講過唔使俾咁多野我地,不過就輕輕帶過lor...不過我都覺得呢個理由係最唔hurt 99既方法,下次佢再俾衫我就會講得嚴重d架啦...希望佢明啦~~ 張大少奶:你99又係成日買衫俾你架?都唔知99買衫俾我係咪滿足佢既購物慾~~可憐我就無得買咁多啦
回覆刪除你99 又對你幾好喎..雖然有d 衫可能老土佐少少...
回覆刪除你99對你真係好，就連衫同鞋都買埋比你，不過style又真係唔係幾啱o既。 好明白你o既感受，因為我99同你99都有D似，我99同我o地買o西餸，有生、有熟、有生果、有時會有湯、糖水，每個禮拜番去食飯，走o既時候就大袋小袋o甘攞走，又食又扐o甘，其實唔係o甘好意思，不過唔要又唔係o甘好，有時前一個禮拜o既都未食o西，跟住又有新o既野，試過同佢講話未食o西，唔要住嘞！轉個頭就放番落個餸袋o度，話放落雪櫃，擺得o既。有時好想整D特別o野食做晚餐，但係因為要食o西99買o既餸，所以整唔到。 不過無論如何都好多謝99，如果唔係，我放工都無o甘快可以番到屋企煮飯/食飯呀！
回覆刪除little bunny:咁我諗你99同我99真係好似...可能99知我都會煮飯,所以就無買定餸俾我,不過每次佢都會整定一樽冰糖燉燕窩俾我地拎番屋企飲架~~真係每次都又食又拎架~~ 敏敏敏:係呀,我都知99好錫我...不過有時都係煩惱既來源~~
回覆刪除