好耐都無試過番番下工掛8號風球啦~
呢個"帕布"前幾日仲係大家既希望,可惜唔爭氣,吹唔正不特止仲要減弱為熱帶氣旋...正當大家都好失望,諗住等下一個颱風啦...點知呢個"帕布"竟然番轉頭,仲要係短時間內就吹到香港又增強番為熱帶風暴~~
一日內由1號升到3號,終於今日2點半掛8號....點解要今日先掛呀,Happy Friday呀麻...難得我仲約左班大學姊妹食晚飯架~~宜家要cancel真係激氣呀
老公又無得去O'camp宵夜,都有d失落呀~~
呢個帕布真係抵鬧啦,早唔掛遲唔掛,一係星期一先掛啦....我仲要塞左係巴士上面1.5小時先番到屋企呀~~
我都塞左喺地鐵站差唔多成個鐘呀!!!陰公
回覆刪除我仲慘啦，港交所宣佈掛咗8號後15分鐘會停市，點知佢兩點半開市時先嚟掛，啲同事即刻噓聲四起，停市後做埋啲手尾先走得。嗰陣都差唔多四點喇，仲要上唔到車，我要特登由上環行返去金鐘先有機上車呀，架車由總站出嚟已經企到爆晒咁，好彩畀我迫到上去咋，唔係又要等一粒鐘先有車呀。
回覆刪除我都係金鐘等o左一粒鐘先上到地鐵 地鐵站迫到叫人窒息
回覆刪除JK:係呀,我成4點先用到手提打電話,打到俾個朋友,佢話仲係金鐘地鐵塞緊呀~~ thy:咁番到屋企咪同平時放工差唔多時間~~ caca:我聽收音機都知道地鐵好塞呀~~
回覆刪除我都睇到新聞~
回覆刪除我就苦樂參半.本來要6:00先last day. 現在就2:45 走得. 本來想坐巴士企咗好耐都沒有事. 未去坐mtr. 見到金鐘好多人. 未去中環law. 點知道仲衰. 我用了2個中先係中環過度去黃大仙. 老公就好叻. 知道好多人會坐車. 所以他選擇行路番家.
回覆刪除jiji:係呀,辦公地區既車站真係好恐怖~ fiona:你老公咁勁可以行路番屋企?
回覆刪除阿yan ~ 因為他係新浦岡返工. 所以可以行路返去.
回覆刪除fiona:咁咪幾好...連交通費都可以慳埋~
回覆刪除