今日陪老公番完教會,因為地點近土瓜灣就去左翔龍灣新開既吉之島睇下~~成個商場真係得吉之島超市開左咋,不過佢做緊日本美食節,我見到好多北海道既零食賣呢~~不過價錢當然比係北海道買貴啦~~
對出就係九龍城碼頭既巴士總站,原來有架2E可以直接係屋企樓下落車架
...既然有架巴士好似的士咁方便,我就決定係吉之島入d貨啦,今日用AEON卡仲有95折添...少少地買左百零蚊
番到屋企又已經5點幾,我同老公掛住打機...由於實在太投入,我地玩到9點先捨得停呀~~其實我都可以煮到晚餐,不過老公見咁夜就話都係出去食唔使煩,於是就落樓下去好耐無食既老趙~~
老公:生牛肉河($26) - 老趙既生牛肉河幾時都係咁正,我同老公都好鐘意飲佢既湯底
我:春卷凍檬($40) - 凍檬夠清,健康之選...春卷share食,熱辣辣脆卜卜...平時我都食得晒架,唔知點解今日食左一半就開始飽,最後都係食唔落...睇到覺得好浪費呀,不過又唔想勉強自己食晒佢,因為我要減肥呀
埋單$66,唔收加一...突然覺得屋企樓下就有好野食都真係幾方便
老趙, 正...尖沙咀那間不錯.
回覆刪除如果同我老公去食, 佢食埋我碗麵之餘, 仲要叫小食呀佢!
回覆刪除老趙
回覆刪除我都好想食呀!!!
回覆刪除你最近點減肥呀, 做咩運動呀
回覆刪除enyalam:都係最原始既方法就係食少d同埋做運動,就係睇下我忍唔忍得口同埋有無恆心lor~ bear:大把美食得緊你啦~ brtspec:係呀,真係唔錯~ 敏敏敏:可以食既時間已經太晏,所以已經唔算好肚餓啦~ soldier:我食呢間係總店呢~
回覆刪除