一碟冷烏冬又點可以令我地兩個食飽飽呢~~所以我同老公就諗住再食其他野....雖然我同老公都不大吃魚生,不過黎到海邊小鎮既小樽,我地都覺得應該一試...結果我地最後決定去吃壽司~~
出拔小路對面就係政壽司既分店,剛才係壽司屋通見過本店,原來呢度有間好摩登既分店...我地選擇左坐壽司吧台,可以睇住正宗日本司傅整手握壽司,另外其實可以選擇一邊食壽司一邊欣賞小樽運河既美景架~~
原來用黎點魚生同壽司既醬油係唔同架...不過其實我地真係點好少,因為壽司本身既味道已經好鮮甜~~大家睇下政壽司司傅既手勢係幾咁熟練
我地叫左個魚生飯,係香港我同老公一定唔會叫呢d黎食,不過黎到日本就豁出去試下啦...我地叫左個中價既,但係已經令我地好讚嘆
...完全唔會有腥既感覺,我地竟然覺得好好味,味道絕對同係香港既唔同(雖然我好少係香港食魚生)
另外叫左個壽司拼盤,又係中價就算啦...其中最令我難忘既係海膽壽司~~雖然唔係原隻開黎食個d,不過一向覺得海膽滑潺潺既我好勇敢一口放入口...嘩,味道完全推番左我一向既印象,竟然有甘香既感覺,口感有d似蟹膏,呢一刻令我對海膽徹底改觀,切切實實明白點解係人間美食
其他壽司一樣好好味,因為我有9折coupon,所以折後係3960 yen (約$255),都唔算好貴呀...如果唔好魚生既朋友不妨去試下~~
F
回覆刪除