Wii新遊戲 ~ 桃太郎電鐵16、ぷよぷよ!、Boogie

今日老公放工之後番左屋企一陣先出去食野,

我地去左旺角梨和園食只係$35既下午茶自助餐,

平係平,食物係會食得好飽,不過味道實在普通過普通,有某d仲可以講唔好食添~~

不過如果熱辣辣煮好出黎既話都仲食得落既...而我最鐘意係有西瓜汁任飲,不過唔會有下次lu~

之後去左買game,今日既收獲係《桃太郎電鐵16 - 北海道大移動之卷》

老公話佢由第1代已經開始玩,係老公簡介之下都覺得幾有趣,有少少似大富翁既玩法~

另一個game係《ぷよぷよ!Puyo puyo 15th anniversary》

中文名係《噗喲噗喲! 魔法泡泡15周年慶》~

玩法好簡單,好似大家熟悉既俄羅斯方塊咁,有得對打好好玩..不過次次都係我輸,唔制呀

呢隻Boogie係今次唯一一隻要用wii搖控郁黎郁去既遊戲,

雖然我地唔係好掌握到玩法,只係亂咁郁,

不過都幾搞野既~~