雖然昨晚夜機回港,11時半才回到家中呢....不過我還記得今天10時是康文署派發其下博物館免費入場劵及免費預約運動場地的日子~~
我們9時多醒來,首先出發到鄰近的官涌體育館,排了近1小時終於成功預約到7月2日4時至6時的羽毛球場,做做運動身體好...還可以約其他朋友一起打呢~~我聽見有人早上5時多就排隊了,多厲害
...還再排第2輪呢~~
之後我們就前往尖沙咀通利取博物館入場劵,有好幾個專題展覽也可免費參觀呢...於是我和老公分別取了7月1 日5時到沙田文化博物館睇「古蜀文明」再回尖沙咀睇8時半的太空館天象電影(那天早上要回教會聚會,所以要下午才有空呢)~~而7月2日呢,就上午11時到藝術館睇國寶「清明上河圖」,下午1時睇埋科學館的「飛龍在天」展覽...跟住去打羽毛球就o岩o岩好~~
呵呵,就這樣回歸的2天假期節目就已經排得滿滿了...老公一早已經嚷著要看「飛龍在天」展覽和國寶「清明上河圖」...想不到現在可以全部免費去看呢...實在太好了
嘩..節目好豐富呢..最緊要免費..哈哈/...
回覆刪除本來都想今天攞票看星期四跑馬地的跳傘表演,不過要返工出席7月2日的回歸巡遊的briefing...只好較有線電視錄影.
回覆刪除多謝你對本館的支持，呵呵！我本來都想去取票0架，不過我7月1號全日都奉獻俾回歸盃(睇足三場嘛)，2號就要返工，所以只能申請張museum pass啦！成人$50半年證可以睇哂咁多個展覽都好抵0架，睇飛龍在天與清明上河圖之餘，大家都要來看看「古蜀文明」展，話哂都係賀回歸三大展覽0黎0架(賣廣告)，雖則好明顯冇人咁吸引，呵呵！ 我1號off，無緣親自帶你參觀添！
回覆刪除吳太... 你地真係好好計劃喎~~ 咭咭... 我同老公就未有 plan... 只係諗住行街食飯四圍走吧!
回覆刪除你唔講....我真係唔知香港有d咁既野, 下次有好野~~早d話俾我知個新進的師奶仔知
回覆刪除古蜀文明o果個，我o地諗住遲D去睇呀！
回覆刪除7月2日全日返工呢, 早到晚...
回覆刪除soldier:要番工就慘d,你有無得claim$淨係得補假呀? little bunny:你咁鐘意睇呢d展覽,我都估你有興趣去睇架啦~ 一屋三個大細路:你梗係好少留意d廣告勒...留意多d就會發現其實有好多優惠等緊你架 七七:如果無去拎,我都一樣唔知會做咩架~ sher:我都好耐無入去你間館啦..唔知個日會唔會見到你個神奇上司呢?我真係想見下佢個真人~~你抽唔抽得中towngas d ticket呀? 碧姬:無錯,免費先係重點
回覆刪除