我的新眼鏡今天終於有得拎啦
呢個鏡框係Versace黎架,芸芸鏡框之中versace都無邊幾隻做半價,好彩俾我搵到心水而又有半價既佢呢~~折後都要六百多元....但係我呢副眼鏡埋單係要俾差唔多2千蚊架
點解咁貴呢?就係我配左呢期做廣告做得好行既全視線鏡片勒...即係於紫外線之下,個鏡片就會變色,愈猛烈既陽光就會變得愈深色
....其實鏡片都做左8折架啦,我仲要無配到超薄鏡片添架,如果唔係就要再俾多一千添架啦~~
至於我帶上呢副眼鏡既新形象就留待大家睇我係北海道影既靚靚相啦~~我都要適應下呢個新眼鏡,因為膠框比較貼面,同我宜家帶緊既無框眼鏡既距離唔同,睇野雖然清楚左,不過唔係好習慣,但係我相信應該好快就會無問題架啦
試完話俾我知呢隻新鏡片好唔好，因為我都想配過副眼鏡
回覆刪除我都係帶緊紅色膠框眼鏡呀！ 你講o既鏡片，我都有興趣，不過好似幾貴喎！
回覆刪除little bunny:我都覺得幾貴架...不過老公話可以保護隻眼貴d都值喎~ JK:我仲未試到佢變色,去完旅行話你知~~
回覆刪除真係幾貴啊，不過睇廣告講到好犀利咁，值番0既，等待你回來分享它的效用！
回覆刪除