今晚老公又話叫外賣食,因為佢話見我煮到身水身汗好辛苦,叫我休息下
但係我唔想叫外賣,又連續2日煮左意粉食~~煮飯既話我又嫌熱...所以最後決定整pizza~~
上次用方飽整薄餅我覺得個底太薄,而我又懶得去自己搓批底,所以就買左英式鬆餅黎代替~~
果然用鬆餅做底就夠厚勒
用牛油同茄汁塗滿鬆餅面之後,加上粟米、磨菇、火腿腸、燒牛肉、芝士等材料就入得焗爐勒~~焗完出黎真係唔錯架,撒上少少香草就食得~~味道亦不俗
...呢個pizza完全無難度,相信連小朋友都識整呢
老公話好味,仲話下次試下用印度薄餅做批底喎~~
好多料喎! 咁熱仲食pizza~小心熱氣呀!
回覆刪除大蚊:嘻嘻,唔緊要啦...我同老公都鐘意食呀麻
回覆刪除好掂喎...
回覆刪除it's really easy to make. will try it later~
回覆刪除救命呀! 做咩唔預我份呀~~~ 仲要係由吳太你 DIY..... 嗚.... 錯過了..... 如何???
回覆刪除小朋友都識整？呵呵呵，呢句說話好吸引。加埋見到啲粟米，就更加想俾Joey玩。
回覆刪除顏色好靚，見到已經想食呀！
回覆刪除little bunny:咁容易,你快d試下啦~ joey媽:真係好易架,只係將d材料鋪晒係面就得,對joey黎講一定無難度 七七:唔驚,下次再整俾你食~ miffy:係呀,你快d試下啦 新任陳太:都係張相影得好o者...哈哈~~
回覆刪除