今日食完早餐之後就係另一個令我同老公十分喜愛及難忘既活動 - 1小時牧羊初體驗
我地拍左好多video啊,因為實在係太特別啦
(冬天應該可以試下剪羊毛)
今次既活動我有coupon呢,住客可以免費呀~~(原價係每人1050 yen架)
我地首先去換對水靴,因為草原好多地雷架,著左水靴就算係草原上奔跑都唔怕啦
...呢到有6隻小綿羊係要牧場主人餵奶架,最細1個月,最大都係3個月咋....其他羊就係食草既~~
小綿羊唔怕人架,見到我地手上既奶樽就爭住食,每隻餵半樽~~佢地食得好快呢~~飲緊奶時隻眼咪起上黎真係好似笑緊咁架,超級可愛呢
(老公餵完之後發現佢條褲好dirty呀,因為羊仔隻腳踏左上佢隻腳呀...不過我又無事喎
...如果大家又去餵記住著長褲,同埋準備要換褲先走呀)草原其實有圍欄分開一格格,羊群今日係某一格食草,牧場主人話d羊好識食,只會食嫩草...食到7788,主人就要將羊群趕去第二格,等無晒草個一格休息生番d嫩草出黎~~所以佢隻牧羊狗就好重要勒
~~
餵完小綿羊,主人就示範點樣叫牧羊狗趕羊去新既一格草原食草~~好壯觀架
其中有一隻羊走開左...呢隻迷途小羔羊如果真係生活係森林,相信就成為左其他野獸既點心啦~~不過係牧場佢就可以搵番羊群,佢彈下彈下咁好搞笑呢~~
最後送上我第一次做牧羊人既片段俾大家睇...哈哈,d羊都唔驚我呢個新晉牧羊人,跑都唔跑呀,得我自己好白痴咁係度跑咋
真係估唔到可以餵羊同趕羊喎，你呢個旅程真係好豐富呀，很有農村生活既體驗！ ｄ羊隻隻都咁cute呀！
回覆刪除ironman:係呀,牧羊體驗係我同老公最鐘意既節目之一,其實仲鐘意過睇花呀~~不枉我放棄左其他地方黎左呢到住~~d羊真係好可愛架,小綿羊就最得人歡心~~
回覆刪除我都好喜歡接觸d小動物，可以親自餵他們，我都想試下。
回覆刪除classic bear:我平時對小動物就無咩特別喜好既,不過今次同羊羊玩真係好開心~
回覆刪除