0730的晚餐 ~ 黑椒琵琶豆腐

因為聽日同老公都請左晏畫假慶祝生日,所以唔使留飯盒,而且聽日全日都出街玩,所以今日就去買餸煮飯~~2個人就整兩味餸啦,咁我就決定整我想試好耐既菜式,琵琶豆腐勒

99上星期想買百福豆腐花食,點知買錯左蒸煮豆腐喎,佢又唔鐘意用黎煮餸就俾左我拎番屋企~~於是今日就係用左盒大既百福蒸煮豆腐加免治豬肉攪埋一齊整琵琶豆腐啦~~

由於琵琶豆腐製作煩複(又要釀係湯匙拎去蒸,成左整之後就卜生粉去煎,再煮個茨汁兜均先完成),所以另一味餸就整個容易既粉絲什錦煲(菜、金菇、牛丸、貢丸、墨魚丸同埋魚皮餃)~~

今次我打算整個黑椒汁,不過黑椒味真係唔多覺,哈哈,睇黎下次要重手d先得勒...另外口感同係街食既有少少距離,我相信係因為豆腐比例太少而引致既,所以下次要放少d豬肉先得...不過個樣都睇得下,呃得下人架