北海道の初夏物語 ~ 富田農場 Day 5.3

賞花第三站 - 富田農場

好快我地就行到去富田農場啦,富田農場係富良野既人氣景點,唔使俾入場費又有規模就當然吸引好多遊客黎啦~~好彩我地好早就黎到唔使同人迫,不過都已經見到幾架旅遊巴到左啦~~

農場正中央就係傳統既薰衣草田,大家想像下係薰衣草盛放既時候,圍繞我既就係一片紫色既花海啦富田農場其他唔同既位置一樣有好多傳統既薰衣草田~~

除左未盛放既傳統薰衣草田,仲有其他品種既花花架~~雖然仲未有出名既七色花田,不過都隱約見到幾種顏色層次既花海~~



農場其中有一片紫色既花田應該係屬於早開既薰衣草品種...好靚呀

溫室內都一樣有早開既薰衣草,幾奪目


除左花田,富田農場仲有香水之舍同埋賣乾花既地方...本來老公都有興趣買番枝香水架,不過最後只係買左少少乾花(525 yen)