北海道の初夏物語 ~ Twinkle bus美瑛號的丘コース Day 6.2

食完早餐就要趕去搭0827既列車到美瑛勒,一行出民宿就見到好靚既天空

今日我就預約左另一個觀光巴士Twinkle bus美瑛號的丘コース ,美瑛號係有3條路線既,一條會去我之前既四季彩の丘,另外兩條分別係睇樹既,因為美瑛係好多廣告取景拍攝既地方,好多樹木因而令人印象深刻,所以好多人會黎美瑛進行尋樹之旅(旅遊書多數會介紹2條路線,一條叫超廣角之路,一條叫拼布之路),我選左一條睇得多d樹既路線~~

0856就到達美瑛勒,美瑛站由一排排大石而建,感覺幾古雅~~對面就見到一個鐘樓,好似都係地標黎架~~

因為觀光巴士0920起出發,所以我地就去附近既四季の情報館睇下旅遊資訊,入面有個美瑛地圖模型,好得意架,亦有d紀念品出售~~最重要係有洗手間呢

老公雖然揹住大背囊,不過只係搭左一程JR,觀光巴士又可以幫我地放好行李,所以都好方便~~好勒,尋樹之旅正式開始,有導遊姐姐講解架,佢好努力用英文話俾我地知添~~

Twinkle bus美瑛號的丘コース(Patchwork拼布之路):由美瑛駅→ケンとメリーの木【Ken與Mary之樹】（車窗）→セブンスターの木【SevenStar之樹】(下車觀光約10分)→親子の木【親子之木】（車窗）→北西の丘【北西之丘展望公園】(下車觀光約15分)→美瑛駅，需時約55分。唔記得講,呢架觀光巴士係每位600 yen架~~