《女人‧本色》

估唔到中大校友既身份都一樣可以有著數,之前收到中大email可以登記換取回歸電影《女人‧本色》既贈劵...我當然唔會錯過啦,換票證係電影未上畫之前已經收到啦...今晚無野做老公就話不如出去睇呢套戲~~

我地差唔多7點去到朗豪坊UA,好多人排隊買飛睇戲喎,暑假果然好旺場~~我地都要買到9點9個場先有好少少既位咋~~

本來我想食Pepper Lunch做晚餐既,奈何老公昨晚肚瀉,今日請病假休息,佢都係唔o岩食呢d油膩野架啦...所以最後去左旺角熟食市場是但食d野就算...之後行左陣旺角,老公又買左wii既新game(宜家正在試玩)

講番套戲啦,我同老公都覺得拍得好唔錯,比我預期既好睇(中大推介既果然係信心保證)...話明係回歸電影,當然係以97到宜家呢10年做故事背景啦...香港真係大起大落,好有戲劇元素~~

梁詠琪由頭帶到尾,佢都算演得唔錯架啦...不過睇完套戲真係覺得佢老左好多,拍住青春迫人既薜凱琪真係唔認老都唔得啦~~老公話薜凱琪都幾搶戲,可能個角色o岩佢啦,傻下傻下咁~~而小儀雖然出鏡唔多,不過一出場就會有笑位~~套戲sell女角,原來男角有林子祥、鄭嘉穎、張敬軒,2位不知名既大陸演員,仲有客串既李克勤~~

梁詠琪雖然佢身居要職,不過我覺得佢既一生都算坎坷架,最唔現實既怕且都係呢個角色太好人啦~~試問你俾人呃左500萬點會唔出聲呀,無可能,一定無可能呢

我覺得都值得推薦俾大家睇~~