北海道の初夏物語 ~ Kumagera人氣飯堂吃晚餐 Day 4.8

原來既行程係睇完四季彩の丘之後就去上富良野既flowerland繼續賞花既...不過老公對賞花唔係太大興趣,而且睇完四季彩の丘之後我覺得其他地方既花花應該都係差唔多,所以就決定提早食晚飯勒,於是就坐JR去富良野站~

(番到香港之後睇其他人同期既遊記發現四季彩の丘可算係眾多賞花地方最多花花睇既一個,其他既真係無去都唔算係損失)

我地為左試多d唔同既美食,所以無訂到民宿既晚餐...今日我就帶左老公去富良野既人氣飯堂Kumagera勒~~呢到有2樣食物係必食既~~

就係

芝士豆腐:芝士同豆腐都係我既最愛,呢個係佢地獨創既芝士豆腐有咩理由唔食呢~~真係唔食過都唔知其精彩之處,絕對非筆墨所能形容架...我真係唔知點講俾大家聽,驟眼睇覺得同豆腐無分別,但係食落你會覺得自己真係食緊一舊芝士...救命呀,我好似講緊廢話,但係真係好特別架...正正正正(第2日係芝士工房都見到佢介紹呢間餐廳既芝士豆腐呢,所以真係要去食呀~~)

生牛肉刺身蓋飯:呢個係老公既最愛,佢到宜家都時不時提起呢個飯架~~面頭既生牛肉真係好滑呢,老公一向對食飯麻麻地,但係呢個飯佢唔使一陣就食晒啦,仲嫌唔夠添喎~~

另外我地仲叫左個鍋物,雖然係一人用既份量,但係share食絕對無問題,一樣係咁好味呢~~

呢餐就食左4250 yen,真係好好味呢,個2款必食推介真係唔可以錯過呀...呢到仲有中文餐牌,唔驚唔識叫野食架