6月20日 (星期三)
琴晚安全番到民宿時,老闆娘Masami都親自係屋內走出黎慰問下我地,怕且佢都無遇過去夜街去到咁夜既住客
~~雖然話夜,不過我地11點幾都舖好被褥瞓覺啦~~第2朝我地比早餐預定既時間仲要早左起身,唔緊要啦,可以同間屋仔影下相,出去散下步都唔錯架~~
我地呢間屋仔有2層,上層閣樓就係我地瞓覺既地方...我同老公都係第一次住咁樣既屋仔,覺得好新奇同特別呢~~
民宿其實係北星山既半山位置,望出去其實會見到十勝岳架(不過今日個天有少少陰睇唔清楚),而且一出去其實就係薰衣草田黎架啦,不過宜家只係初開,所以都係綠色一片~~
呢度就係開餐既地方啦~~
我地係早起身,所以仲未有住客係餐廳,所以我地就影左好多相勒~~之後其他住客相繼出現,而且都係香港人呀...香港人真係無處不在~~其中一對香港情侶忍唔住問我地係咪都係香港人,仲問點解琴晚唔見我地食晚飯,我地就話我地出左去食飯lor...睇黎其實真係唔多人唔book晚餐食呢~~
民宿既早餐果然感覺homemade好多,食物味道親切,比較起上黎當然無牧場早餐來得新鮮(炒蛋係最大既對比,老公話係超市買既蛋同農場蛋當然唔同啦)...不過我依然覺得日本既菜係比香港好味既
有老公鐘意既乳酪,之後又有熱牛奶,一邊食一邊望住北星山下既景色,都不失為一頓豐富而悠閒既早餐
你個 blog 好好野睇呀！ 我下次都要試下去北海道先得
回覆刪除肥晶姐姐:多謝~~因為剛去完北海道,所以好多關於北海道既post呀~~
回覆刪除很美的相片,我下次都想住民宿!很有旅行感覺,是跟團所沒有的
回覆刪除happy girl:係呀,自由行先可以住下民宿,其實都幾舒適架~~
回覆刪除間木屋好有特色呀！如果有機會去北海道自由行，我都會試o下住民宿呀！
回覆刪除little bunny:我都覺得間民宿幾特別~
回覆刪除你住呢間民宿叫乜名呀！
回覆刪除little four: 呢間民宿叫 ひまわり (Cottage Himawari) http://hk.myblog.yahoo.com/jw!c7r8kVeLBhgu0OPoDT1OLknQ9Q--/article?mid=4239&fid=21 你可以去下面呢個website click 13號就可以online book架啦~ http://www.furano.ne.jp/nakafurano/tomaru/index.html ( 13 號那個就是 Cottage Himawari )
回覆刪除我們8月尾去, 正努力尋找中富良野的民宿, 請問你會推薦Cottage Himawari嗎? 你可以介紹其他嗎? 謝謝!
回覆刪除园猪 :如果你話呢間民宿,我推薦呀...你睇我對佢既評價幾高就知啦~~
回覆刪除謝謝你. 我訂了, 希望我們也會玩得像你們開心吧. 我們另外還會住在Pension Ken and Mary 及 Natulux Hotel, 你覺得呢? 先謝謝了.
回覆刪除园猪 :訂左啦,希望你都鐘意啦~~ Pension Ken and Mary,我對呢個唔係太清楚,我只係去睇過ken & mary tree咋 Natulux Hotel:呢間應該係富良野新既hip hotel,細細間咁而且好近JR站呢...應該唔錯~~ 總之玩得開心d啦~~
回覆刪除