7月生日飯第2擊 ~ The Boathouse

今日既生日飯係約左對我黎講好重要既父母,無佢地又點會有我出世呢,我又點有得開開心心咁慶祝生日呢~~

我之前申請左Igor's group既Elite card,張卡可以係佢旗下既食肆享有最少9折優惠架~~不過佢旗下既餐廳好多都係比較貴既,所以申請左咁耐都無去食過一次~~

7月頭收到佢既email話Elite card memeber生日可以免費食一餐價值$300既晚餐,仲有個蛋糕送添...但係就最少要5個人惠顧先得~~我見佢好多食肆都係酒吧黎,餐廳得幾間,我又唔想去wildfire,後黎見The boathouse食評不錯,所以就選左呢度約埋父母入赤柱食餐fine dinner勒~~(我記得好耐好耐之前同老公黎食過野架,個時仲係男朋友咋,印象中食物唔錯呢)

因為細妹黎唔到,我地只係得4個人,我唯有打去問有無問題啦,如果唔係就要cancel架啦...好在佢地最後都話無問題~~阿爸仲揸車黎接埋我地一齊入赤柱,唔使坐巴士入去呢~~由於阿爸驚灣仔塞車,所以改由筲箕灣入赤柱,原來呢條路會經過大潭水塘架~~風景好唔錯呢~~

入到去o岩o岩好係我既book檯時間7點半,我地叫左

蒜茸飽:呢個好似係送既,配有3款醬汁...不過其實唔點就咁食都一樣好味,d飽炭燒過,好味道~~

什錦海鮮桶(白汁忌廉汁)($16x):有蝦,有黑貝,有花蜆...我地要左個大既,配上醬汁一齊食very yummy

肉眼扒($26x):嘩,老公唔食海鮮咁就俾佢叫個main course啦...佢就要左個成二百幾蚊既rib eye steak...好在有2塊,1塊我同老公share,1塊就父母share食...我地要左medium,不過出到黎好似有成7成熟,味道無咩驚喜,不過媽咪話好好味喎...媽咪滿意就咩都抵番晒啦~~

芝士汁雞肉雲吞($11x):我驚大家唔夠飽,所以叫多個pasta,不過成碟只係得6塊雲吞咋...我只係食左一塊咋,不過味道都幾好~~

阿爸叫左杯麥啤($5x),佢話好少地方有得飲,所以特登叫黎飲...而老公就要左杯iced tea($4x),我同阿媽就飲水得勒~~

雖然只係叫左3樣野,不過我地4個都夠飽喎...最後仲有個朱古力生日蛋糕呢,兩位男士雖然清左佢地個份,不過係飽到上心口個隻,而我同阿媽就食左大半因為太飽食唔晒呢~~

今日同父母食飯好開心,佢地都好開心呀~~阿媽仲話呢間餐廳既食物幾特別有特色,味道亦好滿意...媽咪鐘意就太好啦,事關唔係好多西餐媽咪會鐘意食呢~~扣左生日優惠,今餐只係$396...幾抵呀~~

星期五晚既赤柱原來都好靜侷架,阿爸話呢度幾grand,o岩晒d人黎飲野傾計...呢度唔係外國人就係d情侶黎慶祝,仲見到幾對情侶都有好大束花呢~~

大家可以去

http://www.igors.com/申請Elite card,申請唔切唔緊要~~今日剛剛出既優惠係用渣打卡有7折呀,不過經理話要預先訂檯講明用渣打優惠喎(去到9月15日)...再唔係佢呢期promote一個夏日海鮮二人Tango餐,只係$468,有個海鮮什錦拼盤,仲有一個主菜,都幾抵架...是但一個優惠都食得過~~

今日係一餐好開心溫馨既生日飯