上個星期工作中,突然接到老朋友的來電...佢擘頭就來了一句『我做左老豆啦』
下,做左爸爸
...我連佢太太有左都唔知喎,一講俾我知就已經係生左啦...真係嚇左一跳~~
老朋友做警察既,工作忙,放假就好遲先知,所以好少約出黎啦...我當然話佢點解生左先通知我,佢連有無同我提過太太有左都唔記得呀~~
佢為左陪太太,所以請左大假...個日佢梗係悶得滯所以打黎搵我傾下計啦~~佢太太623個日生左個囡囡,仲未改名喎,仲叫我幫佢諗下...嘩,咁重要既野我邊敢出主意呀~~
我當然問老朋友係咪請我飲滿月酒啦,佢話bb未足月出世,所以想養好身體先,話2個月大先擺喎...出世得5磅又似乎輕左少少喎...希望到時見到bb肥肥白白啦~~
好多女性朋友做左人媽媽,不過數男性朋友做左爸爸呢,佢都算係第一個啦...恭喜晒
我好多朋友仔都3個喇...
回覆刪除係呀,我身邊都有好多朋友做左人媽媽喇~~ 有時覺得好奇妙,佢地有左BB之後好似成個人唔同哂咁 (佢地自己唔覺架~~ ) 唔經唔覺好多朋友都踏入人生另一階段喇~~ 幾時到你呀???
回覆刪除caca:你覺得佢地變成點呀?我都想知幾時到我 魚露:嘩,宜家好少人生3個架喎...咁博呀,想追女淨仔呀?
回覆刪除哈哈,變到好似我阿媽咁囉~~想當日,仲係同我一樣嘅青春少艾黎架~~ 不過認真講句,佢地應該係心態唔同左,睇嘅嘢唔同左,講嘅話題都係關於老公同BB囉~~ 咁你要努力d喇~~~
回覆刪除caca:咁又係呀,講既野係會唔同左架啦~~
回覆刪除