我地1015番到美瑛JR站就等1039班車去旭川,1111到左旭川,本來打算係旭川食晏既,不過揹住背囊都係唔係太方便,所以決定搭1130既列車番札幌~~我地1300回到札幌,雖然未可以check in住,不過我地都第一時間番東橫inn放低埋個背囊
我之前曾經猶豫去唔去白の戀人既工廠參觀,不過第一次去北海道都係去見識下啦~~如果未去過,我覺得都值得一去呀,因為實在係整得好靚,完全唔似係一個製餅工場~~
因為我之前買左札幌-小樽1日卷,其中一張係地鐵one day pass,我就決定今日用左佢勒
我地搭地鐵係"宮の沢"落車,跟住車站拍示大約15分鐘就搵到Chocolate Factory,即係白の戀人既所在地啦~~
門外已經見到好多貓貓招牌裝飾,又聞到好香既餅乾氣味呢~~門口好多迷你小屋仔,已經覺得好得意,再行入去就見到佢個大花園~~我地到達時剛剛係2點正,花園好多機關都紛紛打開,跟住音樂而旋轉,好似一個dream land咁呀
上面張相就係一個放出吹氣泡泡既裝置,小朋友睇得幾開心~~
就咁睇外表真係好似個堡壘,邊會諗到佢係製餅工場呢
而且花園真係好多機關,好似一堆花中間有個洞俾人係呢個位睇相...真係日本人先會諗到架咋~~
其實去白の戀人工場唔一定要俾入場費既~~我地就無入去要俾錢既地方,不過就係樓下整左個有我地兩口子個樣既白の戀人餅罐,上面仲寫左我地既結婚記念日子添架,我地製呢款要2415 yen,入面有埋餅乾架~~大概半小時就有得拎架啦
你有無係白之戀人工場整吓餅玩吓咁呀? 我地都有好似你地咁樣寫左我地結婚嗰日嘅日子啊! 好有意思嘅呢!
回覆刪除很好天,相好靚,一個很美好的旅程!
回覆刪除我去到果日初時天陰，後來仲落埋雨添呀。不過見到我至愛嘅鬱金香，落雨都唔計較喇。
回覆刪除嘩....真係好靚喎，搞到我好想去呀
回覆刪除吳太, 妳要繼續努力完成呢個北海道の旅日誌呀, 加油加油 !!
回覆刪除令我回想起當年同"未係"老公仔去北海道旅行, 當時係冬天呀, 四圍落雪, 好浪漫呀. 不過果陣跟團, 係白之戀人朱古力廠玩左一陣, 就俾人趕鴨仔走左咯
回覆刪除珍納:我係入面食埋cake buffet,所以都留左幾耐架~~ PoohMum:我會努力架啦~~已經寫到第6日,離成功不遠矣~~ 阿Thy:去啦去啦,北海道好值得去架~~ bibianna:我去個時又唔覺眼有鬱金香,不過其他花都一樣好靚~~ Happy Girl:係呀,8日之中都只係1,2日有少少天陰咋...天氣真係好唔錯~~ 雲斯頓:我出發之前都睇左你地去整餅呀,不過我諗住是但玩一樣,所以去左整餅罐咋~~
回覆刪除之前又病又忙，好耐無探你嘞！我要努力追番o西你o既初夏物語先得。 白の戀人工場，o果時我o地無去呀！印o左你o地張相個餅罐，好得意喎！
回覆刪除Little bunny: 無事就好啦~~要小心身體呀~~ 我覺得個印左我地張相個餅罐都幾特別架~~
回覆刪除