行完街街又係晚飯時間,我之前係東橫Inn拎左本好似電話簿咁厚既Hot Pepper(係本免費既coupon書黎架)~~芸芸食肆coupon之中,我睇中左串家物語既放題coupon,好似平左千幾yen架~~
我地入到去得番幾檯人咋,卡位下面係俾你用黎擺野架,所以雖然我地買到一袋二袋,但係放晒入去唔會阻住我地食野~~檯中間就係炸爐啦~~
我地2個人既任食放題折左只係4125 yen,為起每人只係$136左右~~仲要都幾多野食架~~凍櫃放滿唔同種類既串燒...另外仲有沙律、咖哩飯、冷麪、炒飯,軟雪糕.....好多好多呢,呢d野都好好食架~~
而且仲有好多醬汁俾你用黎點串燒食呢~~
要炸串燒好簡單,只要將串燒沾上炸粉及麫包糠就可以放入去炸架啦~~烤好可以放係旁邊隔油,仲有好多吸油紙可以吸走多出黎既油,所以油既程度都ok既
(為食就唔理得咁多架啦)
食完既竹簽就放入竹筒入面,我數過架,好似有三十幾四十枝呢~~
呢餐都算幾有特色,味道其實都唔差架,仲好好玩添...大家都可以考慮去試下~~
樣樣都係炸咁咪好熱氣囉, 呢d特色食店都係第一次去, 係香港真係唔駛旨意有得試下食/ 玩, 最得意係自己整炸粉同麵包糠~~真係又有得玩又有得食~~不過飽唔飽肚架??
回覆刪除一屋三個大細路: 好飽架,因為除左串燒仲有其他野食...老公鐘意食佢既炒麪,我鐘意食佢既咖哩飯,所以好飽架~~除左自己炸串燒,仲可以自己轉軟雪糕,自己淥烏冬...好多野玩架~~香港就唔知有無呢類型既日式餐廳呢,就算有我諗都唔平...哈哈,如果引入香港可能有得做喎
回覆刪除幾特別喎！自己炸o野食，真係未試過。 你o地食o左o甘多串，唔怕熱氣?不過去到的話，食最緊要，都唔理得o甘多嘞！
回覆刪除我在神戶試過呀！好玩之餘又幾好味，可能我鍾意炸物啦，玩得好開心！不過我0地食得唔夠附近幾桌的人咁多，唔夠抵，佢地真係放滿一大筒竹簽0架！ 我最鍾意係渌烏冬，尤其是可以任落那些一粒粒林林地的東西(咩名呢？)，I like it！
回覆刪除吳太, 我老公又係好仲恴食串燒架~~~ 今晚要開你呢篇 blog 引下佢先得! 哈哈哈哈~
回覆刪除有冇詳細地址提供？ 如順路我和友人都想一試呀！
回覆刪除little four:
回覆刪除佢係薄野間Robortson百貨既7樓呀~~
www.kushi-ya.com
■地址：
〒064-0804
北海道札幌市中央区南4条4-1 ｽｽｷﾉ十字街ﾋﾞﾙ7F
■TEL/FAX： 011-562-8686/8687
■定休日/営業時間： 無休/11:00-23:00
七七:原來你老公鐘意食串燒,咁呢間就真係o岩晒胃口啦...呢間野全日本有好多間舖架~~ sher:我都有玩淥烏冬呀~~你講個d係咪啡啡黃黃圓圓地又漲卜卜咁架?我都有落呀,初時以為係脆既,點知食落先知係淋架喎~~ little bunny:放題麻,緊係食盡佢啦 ...好在我同老公食完都無出現熱氣既徵兆~~
回覆刪除下次我有機會去北海道真係要鉋熟你呢本旅遊書啦, 噤多特別既地方去!!
回覆刪除Innis:其實網上好多比我更詳盡既遊記架...都係去旅行既時候,可能仲多新景點呢~~
回覆刪除我在神戶都過，幾得意嫁！
回覆刪除