北海道の初夏物語 ~ Bear Mt. Day 3.1

6月18日(星期一)

今日我地又要一早趕JR列車,依然無法享用東橫Inn既免費飯團早餐~~我地連續3日都唔會番黎札幌架啦,不過為左行李輕便d,我地只係揹一個背囊,其他都寄存係東橫Inn勒

我地又係坐0703開出既特急列車,今次早d落車既,0850就到左新得啦~~今日全日既行程都係大自然既體驗..我地係JR車站拎左新得既地圖,搵到今日住既牧場既日文名,於是我地就坐的士去牧場放低行李先,再直上今日第一個景點 - Bear Mt.啦~~

因為早上呢段時間牧場主人忙住準備早餐,所以佢就話唔可以去車站接我地,叫我地坐的士~~由車站去牧場既的士收費係1590 yen,好在搵到牧場日文名,所以司機叔叔就知我地去邊勒~~

到左牧場係未有得check in住既,我地叫的士叔叔等我地放低行李再車我地去山上既bear mt....呢程車資係1510 yen(其實車程真係好快,但係已經要成HK$97,大家可以知道北海道既的士係幾貴)

我放棄左去登別而去左新得住牧場,登別有個好出名既熊牧場(人人去北海道都會去既景點),不過聽聞好細而且d熊好懶又好臭~~經我調查,原來新得呢到都有個開左只係1年既綜熊山(Bear Mt.),呢個規模大好多,15隻熊住晒成個山頭架,真係把弊~

可能我地好早就上到去,遊人唔多,我地首先坐巴士近距離睇d熊,巴士20分開出一班,個度有個導賞員叫Leo仲單對單同我地講解添呀~~佢好努力咁用英文同我地溝通,我地覺得佢既英文係北海道黎講真係好唔錯~

嘩,d熊真係好大隻,佢地真係周圍行無係度瞓喎...我地仲見到隻熊企係度用棵樹當不求人添呀,好搞笑~~

呢度好似侏儸紀套戲既恐龍公園咁,外圍既鐵欄係有電流通過架,防止d熊走出去襲擊人類~~除左坐巴士,呢度仲有條高高既木橋,你可以係木橋到行(sky walk),向下望就會搵到熊人架啦~~

呢個bear mt.其實係屬於佐幌既sahoro resort架,冬天呢到就係滑雪場~~而且好貴既cludmed原來都係呢度附近架...所以我覺得呢個地區其實好值得黎呀~

www.bear-mt.jp/