經過超級難忘的牧羊體驗後,我同老公帶左依依不捨的心情離開牧場...離別依依,送上我們為牧場拍下的倩影
...我地又要坐的士去番新得JR列車站,走時見到一大班學生來到,原來今日牧場full house俾學校包左,唔怪之得要提早一個小時開始餵羊啦~~的士車資同我地搭去牧場個次一樣,都係1590 yen~~
我地會坐1132既列車去富良野,正式展開今次既賞花旅程
...仲有時間,我地就係車站附近行下,見到有間超市就入去行下,好多便當喎,好吸引呢~~我忍唔住買左個便當諗住係列車上面食,因為今日既午餐我都預左要係車上面食架~~
列車既終點目的地係淹川~~
老公唔係好肚餓,所以係車站既麪檔買左碗蕎麥麪食,熱辣辣架,不過我試左啖就覺得個湯好多味精,但係只係350 yen,好平呢~~我就買左呢個天婦羅海鮮餅飯,味道唔錯架,可惜無得叮熱黎食就扣左好多分啦,不過連埋2枝飲品都係624 yen咋~~(miffy飲品係蘋果汁黎架,好好飲呢,樽蓋面都係miffy既笑面黎架,好Q呢~~)
I love that miffy apple juice!! so cute~
回覆刪除好美麗的花和天氣,相片很美
回覆刪除happy girl:富良野既花仲靚呀~ miffy:係呀,我一見到就即刻買啦~
回覆刪除