北海道の初夏物語 ~ 美瑛Patchwork拼布之路 Day 6.3

ケンとメリーの木【Ken與Mary之樹】（車窗）

呢棵樹係叫Ken & Mary,樹對面仲有間Ken & Mary既舖頭添喎,可以想像係幾出名,多人去睇到要係對面開間舖呢,不過我地無得落車只可以係車上面睇咋~~其實棵樹都幾大架~

去睇第2棵樹之前途經卡樂B既工場呢~~宜家卡樂B做緊宣傳話帶你去北海道卡樂B秘密工場,咪就係指呢道lor

セブンスターの木【SevenStar之樹】(下車觀光約10分)

跟住就係SevenStar樹,好似話係拍香煙廣告而出名既~~

而SevenStar樹附近就有一排樹,都幾靚架

跟住呢棵大家覺得似咩呢~~佢個名咪就係叫聖誕之木lor~~行程無提及架,都係導遊姐姐話俾我地知既~

親子の木【親子之木】（車窗）

跟住就輪到親子の木出場啦,2棵大樹中間有棵小矮樹,所以好似兩夫婦帶住小孩咁...親子の木係要離遠睇先似架,近睇反而無咁明顯,所以又係只係車上影lor~~親子の木遠少少仲有一棵大樹,導遊姐姐話d人會叫佢做mother-in-law,我諗即係叫祖母の木啦

睇樹就睇到咁多啦,我覺得因為美瑛周圍既環境都係廣闊既麥田平原,而d樹木通常都係獨立生長,所以變得好突出...唔怪之得引黎咁多公司黎拍廣告啦~~

北西の丘【北西之丘展望公園】(下車觀光約15分)

最後一站就係北西の丘展望公園,展望台咪就係個三角建築物lor~~對出有一片黃色小花海,都幾唔錯架~~展望台附近仲有d舖頭,有兩間係賣攝影集既,d相真係影得好靚架~~我都有少少衝動想買一本呢,不過最後當然無買啦

展望台前就係花海,旁邊其實係麥田, 大家睇下個麥田幾大~~視野真係好廣闊呀~~

55分鐘既尋樹之旅又係時候結束啦,初初仲驚睇樹會悶,點知原來一d都唔悶呢~~值得去觀賞一下架~~

返回美瑛駅既途中,忍唔住又影下風景,下面呢張我都好滿意....真係好靚好舒服呀